Dino Qrandi ingiliscə oxunuş: "Dino Grandi " (4 iyun 1895 – 21 may 1988, Boloniya, İtaliya), 1-ci Konte di Mordano, İtalyan faşist siyasətçisi, ədliyyə naziri, xarici işlər naziri və parlamentin prezidenti idi. Hüquqşünas kimi təhsil alan Qrandi Birinci Dünya Müharibəsində (1914-18) vuruşdu, bundan sonra faşist eskadristilərinə (kənddə terror törədən silahlı dəstələrə) qoşuldu. Faşistlərin milli konqresində (7 noyabr 1921) Qrandi Benito Mussoliniyə uduzaraq, liderlik üçün uğursuz bir təklif etdi. Qrandi Mussolinini hökumətin başçısı təyin edən Romaya yürüşdə iştirak etdi (1922-ci il oktyabr). 1924-cü ildə daxili işlər nazirinin müavini təyin edildi, 1929-cu ilin sentyabrında isə xarici işlər nazirliyinin rəisi oldu. Böyük Britaniyada səfir təyin edildi (iyul 1932) və İtaliyaya ədliyyə naziri və Fasces və Korporasiyalar Palatasının prezidenti olmaq üçün geri çağırılmadan əvvəl İngiltərə-İtaliya müqaviləsi (1938) bağladı. O, İtaliyanın İkinci Dünya Müharibəsində iştirakına qarşı idi. Qrandi 1943-cü ilin fevralında Nazirlər Kabinetində əvəz olundu, lakin Faşizm Böyük Şurasının sədri olaraq qaldı. Məhz 1943-cü il iyulun 24-dən 25-nə keçən gecə bu qurumun iclasında Qrandi Mussoliniyə hücum etdi və ona etimadsızlıq təklifi irəli sürdü; Şuranın bu qətnaməni qəbul etməsi Mussolinini faktiki olaraq devirdi. Tezliklə Qrandi Lissabona qaçdı və 1944-cü ildə Veronadakı faşist tribunalı tərəfindən qiyabi ölümə məhkum edildi. Daha sonra Braziliyaya köçdü və nəhayət yaşamaq üçün İtaliyaya qayıtdı.

Dino Qrandi
it. Dino Grandi
İtaliya krallığının xarici işlər naziri[d]
12 sentyabr 1929 – 19 iyul 1932
Əvvəlki	Benito Mussolini
Sonrakı	Benito Mussolini
Şəxsi məlumatlar
Doğum adı	Dino Grandi
Doğum tarixi	4 iyun 1895(1895-06-04)
Vəfat tarixi	21 may 1988(1988-05-21)(92 yaşında)
Vəfat yeri	Boloniya, İtaliya
Partiya	Milli Faşist Partiyası
Təhsili	Boloniya Universiteti
Fəaliyyəti	siyasətçi, diplomat, vəkil
Hərbi xidmət
Döyüşlər	Birinci Dünya müharibəsi
Vikianbarda əlaqəli mediafayllar