Devid Andersen Avstraliya idman institutunu bitirmişdir. O, 1998-ci ildə ilk dəfə "Vullonqonq Xoks" klubu ilə müqavilə imzalamış və həmin komandanın tərkibində Avstraliyanın Milli basketbol liqasında bir mövsüm oynamışdır. 1999-cu ildə Andersen Avropaya getmiş və İtaliyanın "Virtus" komandasında çıxış etmişdir.

2001-ci ildə o, "Virtus" komandasının tərkibində ilk dəfə basketbol üzrə Avropa çempionatının qalibi olmuşdur. 2003-2004-cü il mövsümündə "Siena" komandasının tərkibində oynamışdır.

2004-cü ildə Moskvanın "OMİK" komandasının tərkibinə keçmiş, bu komandada oynadığı 4 mövsümdə o, Avropa basketbolunun ən yaxşı mərkəz hücumçusu şöhrətini qazanmışdır. 2005-ci ildə "OMİK" basketbol klubuna Bolonyada Andersenlə birlikdə işləmiş İtaliyalı məşqçi Ettope Messina rəhbərlik etmişdir. Onun rəhbərliyi altında Devid daha 2 dəfə: 2006-cı və 2008-ci illərdə basketbol üzrə Avropa çempionatının qalibi olmuşdur. 2008-ci ildə Devid Andersen "Barselona" basketbol komandasına keçmiş və o, bu komandanın tərkibində çıxış edən ilk Avstraliyalı basketbolçu olmuşdur.

14 iyul 2009-cu ildə "Xyuston Pokets" basketbol klubu Andersen üçün "Atlanta" komandasına 2 mln. dollar ödəmişdir. Klub həmçinin Devid Andersenlə 2 il müddətinə müqavilə imzalamaq üçün "Barselona" klubuna 500 min dollar ödəmişdir. NBA-da özünün debut mövsümündə Andersen 63 oyun keçirmiş və orta hesabla 5,8 xal toplamışdır.

28 iyul 2010-cu ildə "Xyuston Pokets" basketbol klubu Anderseni "Toronto Reptors" klubuna vermişdir. 20 noyabr 2010-cu ildə Andersen Carret Ceklə birlikdə Çerrid Beylessin və Predraq Stoyakoviçlə əvəz olunaraq "Nyu-Orlean Xornets" basketbol komandasının tərkibinə keçmişdir.

2011-ci ilin iyun ayında Devid İtaliyanın "Siena" basketbol komandasına qayıtmışdır.

16 avqust 2012-ci ildə "Fənərbaxça Ülker" komandası ilə müqavilə imzalamışdır.

Avstraliya yığmasının tərkibində

Andersen 1998-ci ildən Avstraliya yığmasının tərkibində çıxış edir. Əvvəlcə o, 18 yaşadək gənclər arasında dünya çempionatında iştirak etmişdir. Devid Andersen Avstraliya yığmasının tərkibində 2004-cü ildə keçirilən yay Olimpiya oyunlarında (9-cu yer) və 2008-ci ildə keçirilən yay Olimpiya oyunlarında (7-ci yer) çıxış etmişdir.

•   Avstraliya, Vullonqonq Xoks (basketbol klubu), (1998–1999)
•   İtaliya, Virtus (basketbol klubu, Bolonya) (1999–2003)
•   İtaliya, Siena (basketbol klubu) (2003–2004)
•   Rusiya, OMİK (basketbol klubu, Moskva) (2004–2008)
•   İspaniya, Barselona (basketbol klubu) (2008–2009)
•   ABŞ, Xyuston Rokets (basketbol klubu) (2009–2010)
•   Kanada, Toronto Reptors (basketbol klubu) (2010)
•   ABŞ, Nyu-Orlean Xornets (basketbol klubu) (2010–2011)
•   İtaliya, Siena (basketbol klubu) (2011–2012)
•   Türkiyə, Fənərbaxça Ülker (basketbol klubu) (2012–2013)
•   Fransa, Strasburq (basketbol klubu) (2014)
•   Fransa, Villerban (basketbol klubu) (2014–2016)
•   Avstraliya, Melburn Yunayted (basketbol klubu) (2016–2017)
•   Fransa, Villerban (basketbol klubu) (2017-ci ildən)

• Basketbol üzrə Avropa çempionu (2001, 2006, 2008)
• Avropa çempionatının bütün ulduzlarının I yığması (2005)
• Basketbol üzrə İtaliya çempionu (2001, 2004, 2012)
• Basketbol üzrə Rusiya çempionu (2005, 2007, 2008)
• Basketbol üzrə İspaniya çempionu (2009)
• Basketbol üzrə Fransa çempionu (2016)
• Basketbol üzrə Rusiya kubokunun qalibi (2005–2007)
• İtaliya kubokunun qalibi (2012)
• Türkiyə kubokunun qalibi (2013)

•  (ing.)
• 2009-02-27 at the Wayback Machine (ing.)
•  (ing.)
• 2010-09-10 at the Wayback Machine (ing.)