Davud Məmmədsoy 4 noyabr 1995-ci ildə Şabran rayonunda anadan olub. Azərbaycan Dövlət Bədən Tərbiyəsi və İdman Akademiyasının məzunudur. 2018-2019-cu illərdə hərbi xidmətdə olmuşdur.

Davud Məmmədsoy karyerasına 6 yaşında taekvondo idman növü ilə başlamışdır. 2 il taekvondo ilə məşğul olduqdan sonra cüdo ilə məşğul olmağa başlamışdır.

Professional karyerasına 2011-ci ildə yeni yetmələrin respublika çempionluğu ilə başlayıb.

2013-cü ildə 55 kg-da gənclər arası respublika yarışında 3-cü yer tutmuşdur. Polşada keçirilən Avropa Kubokunda 3-cü, Kiyevdə keçirilən Avropa Kubokunda 2-ci yer tutmuşdur. Avropa çempionatında isə birinci yer tutmuşdur.

2014-cü ildə Miamidə keçirilən dünya çempionatında 60 kg çəki dərəcəsində 5 ci yer tutmuşdur.

2014-cü ildə 60 kg-da respublika çempionatında 3-cü yer tutmuşdur. Yunanıstanda keçirilən Avropa kubokunda 3-cü yer, İtaliyada 1-ci yer, Avstriya 2-ci yer, Çexiya 1-ci yerə layiq görülmüşdür.

2014-cü ildə böyüklər arasında keçirilən respublika çempionatında 60 kg çəki dərəcəsində 1-ci yer tutmuşdur. 2015-ci ildə Italiyada keçirilən Avropa kubokunda 1-ci, Slovakiyada keçirilən Avropa çempionatıda 2-ci, 2016-cı ildə böyüklər arasında Grand Prix Mongoliada 3-cü, Grand Slam Russiada 3-cü yerləri tutmuşdur.

2014-cü ildən, 2015-ci ilə qədər gənclərin dünya reytinqinə başçılıq etmişdir. 2021-ci ildə İsraildə keçirilən Grand Slam turnirinin qalibi olmuşdur.

2016-2020 aldığı zədələrdən 4 dəfə əməliyyat keçirtmişdir.

1. . 2021-06-25 tarixində . İstifadə tarixi: 2021-06-25.
2. ^{[ölü keçid]}
3. . 2021-06-25 tarixində . İstifadə tarixi: 2021-06-25.
4. ^{[ölü keçid]}
5. ^{[ölü keçid]}
6. . 2021-06-25 tarixində . İstifadə tarixi: 2021-06-25.