Dəyanət Osmanlı (əsl adı: Dəyanət Osman oğlu Bayramov; 16 iyun 1965, Saraçlı, Bolnisi rayonu) — Azərbaycan şairi, publisisti və jurnalisti. O, Azərbaycan Yazıçılar Birliyinin üzvü və Prezident təqaüdçüsüdür.
| Dəyanət Osmanlı | |
|---|---|
 | |
| Doğum tarixi | 16 iyun 1965 (58 yaş) |
| Doğum yeri | |
| Təhsili | |
| Fəaliyyəti | şair, jurnalist |
Həyatı
Dəyanət Osman oğlu Bayramov 16 iyun 1965-ci il tarixində SSRİ respublikalarından olan Gürcüstanın Bolnisi rayonundakı Saraçlı kəndində anadan olmuşdur. O, 1972-ci ildə Saraçlı orta məktəbində təhsil almış, bir il sonra Azərbaycana köçərək Sumqayıtda Xovlu iplik fabrikində işləmişdir. Osmanlı SSRİ Silahlı Qüvvələrində xidmət etdikdən sonra Bakı Dövlət Universitetinin jurnalistika fakültəsinə qəbul olmuş və 1991-ci ildə oradan məzun olmuşdur.
Fəaliyyəti
Dəyanət Osmanlının ilk şeirləri 1989-cu ildə "Ədəbiyyat və incəsənət" qəzetində və "Ulduz" jurnalında dərc olunmuşdur. Bundan sonra o, "Ulduz", "Azərbaycan" jurnallarında və "Ədəbiyyat və incəsənət", "Dədəm Qorqud", "Yol", "Oğuz eli" və digər mətbuat orqanlarında öz şeirləri, publisistik məqalələri ilə vaxtaşırı çıxış etmişdir. Osmanlı əmək fəaliyyətinə "Mübariz" qəzetində şöbə müdiri kimi başlamışdır. O, sonradan "Fəryad" qəzetində şöbə redaktoru (1990–1992), "Azərbaycan" qəzetində müxbir, parlament müxbiri (1992–2005) vəzifəsində çalışmışdır. Osmanlı 1992-cü ildə "Avanqard" Ədəbi Birliyini yaratmış və ona rəhbərlik etmişdir. O, 1995-ci ildə Azərbaycan Yazıçılar Birliyinin üzvü olmuşdur, 1997-ci ildən isə Yazıçılar Birliyinin İdarə Heyətinin üzvüdür. Osmanlı Azərbaycanda Atatürk Mərkəzinin Baş redaktorudur. O həmçinin, "Türk Dünyası İnfo" İctimai Birliyinin sədridir.
Dəyanət Osmanlının şeirləri bir sıra xarici jurnallarda yayımlanmışdır.
Şəxsi həyatı
Dəyanət Osmanlı evlidir. Onun üç uşağı var.
İstinadlar
- . Atəş.az (az.). 16 iyun 2020. 2021-10-09 tarixində . İstifadə tarixi: 9 oktyabr 2021.
- ↑ . Azərbaycanın Mədəniyyət və Ədəbiyyat Portalı (az.). "Çağdaş Azərbaycan ədəbiyyatının inkişafına dəstək" layihəsi. 13 yanvar 2014. 2021-10-09 tarixində . İstifadə tarixi: 9 oktyabr 2021.
- . Aqreqator.az (az.). 11 sentyabr 2019. 2021-10-09 tarixində . İstifadə tarixi: 9 oktyabr 2021.
- Faxralı, Rəşid. . Dəlidağ.az (az.). 12 iyun 2020. 2021-10-09 tarixində . İstifadə tarixi: 9 oktyabr 2021.
- . "Gündəlik" İnformasiya Agentliyi (az.). 17 noyabr 2018. 2021-10-09 tarixində . İstifadə tarixi: 9 oktyabr 2021.
- . Üç nöqtə (az.). 11 yanvar 2018. səh. 10. 2019-12-29 tarixində . İstifadə tarixi: 9 oktyabr 2021.
- ↑ . Ziya İnformasiya Mərkəzi (az.). 2021-10-09 tarixində . İstifadə tarixi: 9 oktyabr 2021.
- . Azərbaycan Dövlət İnformasiya Agentliyi (az.). 2 dekabr 2019. 2021-10-09 tarixində . İstifadə tarixi: 9 oktyabr 2021.
- . Azərbaycan Dövlət İnformasiya Agentliyi (az.). 12 iyul 2017. 2021-10-09 tarixində . İstifadə tarixi: 9 oktyabr 2021.
- Abdin, Tofiq. . 525-ci qəzet (az.). 20 avqust 2011. 2021-10-09 tarixində . İstifadə tarixi: 9 oktyabr 2021.