Dövlət antik kolleksiyası muzeyinin binası Bavariya əyalətinin paytaxtı Münhen şəhərində, Köniqpalas meydanında Qliptotek muzeyi ilə üzbəüz yerləşir. Bina 1838–1848-ci illərdə bavar kralı I Lüdviqin göstərişi ilə memar Georq Fridirix Çibland tərəfindən stilində inşa edilmişdir. 1869–1872-ci illərdə binada kral antikbariumu yerləşmişdir. 1898-ci ildən 1912-ci ilə kimi binada Münhen Sesessionu — Münhen Rəssamlar Birliyi , 1919-cu ildən Yeni dövlət qalereyası yerləşmişdir. İkinci dünya müharibəsi zamanı dağılmış bina 1967-ci ildə bərpa edilərək Dövlət antik kolleksiyası muzeyinin ixtiyarına verilmişdir.

Kolleksiya əsasən Vittelsbaxların yığmış olduqları, xüsusən I Lüdviqə məxsus antik eksponatlar daxildirlər. 1831-ci ildə kral müşaviri Martin fon Vaqner Etruriya mədəniyyətinə aid Vulçi şəhərində aparılan arxeoloji qazıntılar zamanı tapılmış keramik əşyaları əldə etmişdir. Fridrix fon Tirş hərracda Lüsyen Bonaparta məxsus mirasdan antik incəsənət nümunələrini almışdır. Kral I Lüdviq Korolina Bonapartın qızıl-zinət kolleksiyasını, Peruciyada aparılan qazıntılar zamanı tapılmış Etruriya mədəniyyətinə aid tunc məmulatlarını, İtaliyanın cənubundan tapılmış yunan terrakotunu satın alaraq əldə edir. 1868-ci ildə I Lüdviq öldükdən sonra onun kolleksiyası antik Vittelsbax kolleksiyası ilə hersoq V Albrext tərəfindən birləşdirilərək Hofgartenin park qalereyasında — Antikvariumda yerləşdirilmişdir. Daha sonralar antik kolleksiya Paul Arndt, Cejms Lob və Hans fon Şönə məxsus şəxsi kolleksiyalar hesabına daha da zənginləşmişdir.

• Qliptotek (Münhen)

1. ↑  (alm.). 1994.