İnciçiçəyi (lat. Convallaria) — bitkilər aləminin qulançarçiçəklilər dəstəsinin qulançarkimilər fəsiləsinə aid bitki cinsi.

İnciçiçəyi
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Birləpəlilər Dəstə: Qulançarçiçəklilər Fəsilə: Qulançarkimilər Yarımfəsilə: Cins: İnciçiçəyi
Beynəlxalq elmi adı
Convallaria L., 1753[…]
Şəkil axtarışı ITIS   NCBI   EOL

Zaqafqaziyada inciçiçəyi yabanı halda meşələrdə, kolluqların arasında, günəş düşməyən yerlərdə bitir. Gövdəsi 15–20 sm hündürlükdə olan kökümsovlu, çoxillik bitkidir. Kökümsov gövdəsindən iki kökyanı yarpaq, bir neçə çiçək oxu inkişaf edir. Onun üzərində ağ rəngli ətirli iyi olan çiçəklər sadə salxım çiçək qrupunda toplanır. Yarpaqları iri, yaşıl rəngdədir, qövsvari damarlanmışdır. Yarpaqlar çiçək qrupunu hər iki tərəfdən əhatə edir. Meyvələri kürəşəkilli, ətli, qırmızı rəngli giləmeyvədir. Bitkinin bütün hissələri acı və zəhərlidir. İnciçiçəyinin müxtəlif növləri yayılmışdır. Onların ən əhəmiyyətlisi may inciçiçəyidir. Bu növ Başqırdıstanda becərilir.

İnciçiçəyindən hazırlanmış dərmanlar ürək-damar sistemi xəstəliklərində istifadə olunur.

İnciçiçəyi hazırda nadir bitki kimi "Qırmızı kitab"a salınmışdır.