Coş Hatçerson 12 oktyabr 1992-ci ildə Kentukki ştatının Union şəhərində anadan olub. Onun valideynləri Mişel və Kris Hatçersondur. Mişel əvvəllər Delta Air Lines-də işləyib, hazırda isə Coşun karyerasına köməklik göstərir. Atası Kris Amerika Birləşmiş Ştatlarının Ətraf Mühitin Mühafizəsi Agentliyinin (EPA) analitiki kimi çalışır. Onun valideynləri Kentukkidəki Dry Ridge-də orta məktəbində oxuyarkən tanış olublar. Onlar sinif yoldaşları idilər və sonradan sevgili olmağa başladılar. Coşun Konnor adlı kiçik qardaşı var.

Coşun aktyorluğa marağı kiçik yaşlarında başlayıb. Valideynləri onun aktyor olmaq istəyini tam başa düşməsələr də, o, ifa etməyi və diqqət mərkəzində olmağı sevirdi. Aktyor, öz sözləri ilə desək, əyləncə sənayesinə olan həvəsinin gənc yaşlarından, tam olaraq dörd yaşından başladığını bildirib. Atası qeyd etdi ki, oğlu hələ çox gənc yaşlarından insanları əyləndirməyi sevib. O, təbii olaraq insanların diqqətini cəlb edən valehedici şəxsiyyətə malik idi. Anası onun aktyor olmaq üçün onları çox bezdirdiyini demişdir. Onlar düşünürdülər ki, bu, sadəcə müvəqqəti maraqdır və, o, böyüdükcə buna olan marağını itirəcək. Coş səkkiz yaşında olarkən sarı səhifələri açıb və fəaliyyət göstərən agentliyin əlaqə məlumatlarını tapmışdır. 2002-ci ilin yanvarında aktyorluq üzrə məşqçi Bob Luke, Coşu görmək üçün Nyu-Yorkdan Kentukkiyə səfər etmişdir. Bob onlara təklif etdi ki, Los-Ancelesə getsinlər və televiziya pilotu rolları üçün Coşu audisiyalara aparsınlar. Coş o vaxt yalnız Kroger televiziya reklamında və Vacation Bible School üçün təlim filmində rol almışdı. Coş üç il ərzində anası ilə birlikdə Los-Ancelesdə yerləşən Oakwood mənzillərində yaşayırdı. Bu mənzillər xüsusi olaraq gənc aktyorlar və onların ailələri üçün nəzərdə tutulmuşdu.

Coş həmyaşıdlarından fərqli olaraq sinif otaqlarında deyil, kino kameraları və işıqların əhatəsində böyümüşdür. O, təhsilini doqquz yaşına qədər Uniondakı New Haven İbtidai Məktəbində almış, ancaq karyerasına görə sonralar evdə təhsil almağa qərar vermişdir. Anası müəllim rolunu üzərinə götürmüş və onun təhsilinə rəhbərlik etmişdir. Bir müddət sonra o, doğma şəhəri Kentukkiyə qayıdıb və təhsilinə davam etmək üçün Ryle Liseyinə üz tutmuşdur. Lakin o, burada cəmi bir semestr iştirak edir. Coş məktəb komandasında futbol oynayıb və o vaxtdan bəri idman həvəskarıdır. Onun futbola və tennisə böyük həvəsi var. O, cəmi 13 yaşında olanda triatlonda iştirak edib. Məktəbdəki təcrübələri ilə bağlı fikirlərində o, narazılığını ifadə edərək demişdir: “Hər gün eyni vaxtda oyanmaq və mənim tək başıma rahatlıqla öyrənə biləcəyim şeyləri müəllimlərdən eşitmək heç xoşum gəlmirdi."

• (2004)
• Balaca Manhetten (2005)
• Zatura: Kosmik macəra (2005)
• RV (2006)
• Terabitiya körpüsü (2007)
• Yerin mərkəzinə səyahət (2008)
• Uşaqlar yaxşıdır (2010)
• Freddi ilə beş gecə (2023)

• — IMDb səhifəsi
• at The New York Times
• at
• at
• at
• fevral 24, 2015, at the Wayback Machine website