Ceyms Edvard Mid (ing. James Edward Meade) (23 iyun 1907[…] – 22 dekabr 1995[…], Kembric, İngiltərə) — məşhur ingilis iqtisadçısı. 1977-ci ildə İqtisadiyyat üzrə Nobel mükafatını Bertil Ulinlə bölüşdürmüşdür.
Ceyms Mid 
| |
|---|---|
| ing. James Edward Meade | |
 | |
| Doğum tarixi | |
| Doğum yeri |
Svineyc .svg){kind=small} Birləşmiş Krallıq
|
| Vəfat tarixi | (88 yaşında) |
| Vəfat yeri |
Kembric Birləşmiş Krallıq
|
| Milliyyəti |
Birləşmiş Krallıq
|
| Elm sahəsi | Makroiqtisadiyyat |
| İş yerləri | Kembric Universiteti, London İqtisadiyyat məktəbi |
| Təhsili |
|
| Tanınır | Beynəlxalq ticarət nəzəriyyəsi, Beynəlxalq investisiya dövranı nəzəriyyəsi |
| Üzvlüyü | |
| Mükafatları | 1977 İqtisadiyyat üzrə Nobel mükafatı |
 Vikianbarda əlaqəli mediafayllar | |
Həyatı
Ceyms Mid özəl Malvern Kollecini bitirmişdir. 1926-cı ildə Oksford Universitetində təhsilə başlamışdır. Əvvəlcə klassik dərslər üzrə təhsil alsa da, sonradan fəlsəfə, siyasət və iqtisadiyyat üzrə oxumuşdur və 1929-cu ildə fərqlənmə ilə məzun olmuşdur.
1930–1931-ci illərdə Kembric Universitetinin Triniti Kollecində ixtisas artırma keçmişdir. Bu müddət ərzində dövrün ən məşhur iqtisadçıları olan Dennis Robertson və Con Meynard Keyns ilə yaxın akademik əlaqələr qurmuşdur. Con Meynard Keynsin pul və məşğulluqla bağlı tədqiqatlarında iştirak edən Mid və yaxın dostları Riçard Ken, Pyero Sraffa və Robinzon Keynsin "Ümumi nəzəriyyə" kitabının hazırlanmasına böyük dəstək olmuşlar.
Sonralar Ceyms Mid 1937–1939-cu illərdə İsveçrənin Cenevrə şəhərində yerləşən Millətlər Liqasının İqtisadiyyat Bölümündə iqtisadçı kimi işləmişdi.
II Dünya müharibəsi illərində hökumət kabinetində dövlət məmuru kimi işləmişdi. 1941-ci ildə Mid və Riçard Ston ilk dəfə ikili yazılışlı mühasibat hesablarına əsaslanaraq Böyük Britaniya üçün rəsmi milli gəlir və xərcləmə hesablarını hazırlamışdır. Bu, Dünyada geniş yayılmış Milli Hesablar Sisteminin hazırlanmasında bir başlanğıc olmuşdur.
1945-ci ildə İşçi Partiyası iqtidara gələndə Ceyms Mid Baş nazir Klement Ettlinin baş iqtisadi məsləhətçisi kimi mülkiyyəti dövlətləşdirmə və sosial həmrəyliyin artırılması siyasətlərinin inkişafında önəmli rol oynamışdır. 1947–1957-ci illərdə London İqtisadi məktəbində iqtisadiyyat üzrə professor olaraq işləmişdi. Bununla yanaşı beynəlxalq iqtisadi siyasət nəzəriyyəsi haqqında ödəmələr tarazlığı, ticarət və rifah haqqında çox önəmli iki kitabı çap olunmuşdur.
1977-ci ildə İqtisadiyyat üzrə Nobel mükafatını Bertil Ulinlə bölüşdürmüşdür.
Önəmli əsərləri
- 1951 — Beynəlxalq iqtisadi siyasət nəzəriyyəsi — Ödənişlər balansı
- 1955 — Beynəlxalq iqtisadi siyasət nəzəriyyəsi — Ticarət və rifah
- 1965–1976 — Siyasi iqtisadın prinsipləri
- 1975 — Ağıllının iqtisadi siyasətinə radikal bələdçi
Həmçinin bax
Xarici keçidlər
İstinadlar
- ↑ Bibliothèque nationale de France (fr.): açıq məlumat platforması. 2011.
- ↑ James Edward Meade // (alm.).