Cenni-Vanda Barkman (1922 – İyul 4, 1946) İkinci dünya müharibəsi zamanı alman həbs düşərgəsində gözətçi olmuşdur.

Cenni-Vanda Barkman
alm. Jenny Wanda Barkmann‎
Cenni-Vanda Barkmann, arxa sırada sağ tərəfdə, 1946-cı il Qdansk şəhərində 25 aprel və 31 may tarixlərində Müharibə cinayətləri məhkəməsində.
Doğum tarixi	1922
Doğum yeri	Hamburq Almaniya
Vəfat tarixi	4 iyul 1946
Vəfat yeri	Qdansk Polşa
Vəfat səbəbi	Asılma
Vətəndaşlığı	Almaniya Federativ Respublikası
Qətllər
Qətllərin dövrü	1944—1945
Qətllərin yeri	Ştutthof həbs düşərgəsi
Qətl üsulları	məhkumlara qarşı sadist davranış
Həbs tarixi	1945
Cəzası	Ölüm hökmü
Vikianbarda əlaqəli mediafayllar

Onun uşaqlığı Almaniyanın Hamburq şəhərində keçmişdir. 1944-cü ildə Polşada yerləşən qadın gözətçisi olmuşdu ki, nəticədə orada kı məhkumlara qarşı qəddarlıq göstərmiş və bəzilərinin ölümünə səbəb olmuşdur. O, həmçinin qaz kameraları üçün qadın və uşaqların seçilməsində iştirak etmişdir. Olduqca şiddətli davranışlara sahib olduğu üçün qadın məhkumlar, ona Gözəl Kabus adını vermişdilər.

Sovet qoşunları əraziyə çatdıqda Barkmann artıq Ştutthofdan qaçmışdır. O, 1945-ci ilin may ayında Qdansk şəhərinin qatar stansiyasında qaçmağa çalışarkən tutulmuşdur. O, və onun həmkarları törətdikləri cinayətlər üzündən məhkəmədə təqsirkar qismində iştirak etdilər. O, məhkəmə boyunca sakit tərzdə gülümsəyirdi və verdiyi ifadələrdə düşərgənin qadın gözətçiləri ilə zarafatlaşdığını bildirdi. Bundan başqa o, şahid ifadələrini dinləyərkən açıq-aşkar saç düzümünü qaydasına salırdı. Məhkəmənin nəticəsi olaraq o, günahkar bilindi və son olaraq bu ifadəni işlətdi, "Həyat həqiqətən həzzdir və bu adətən qısa çəkir".

Barkmann Qdansk şəhərinin Biskupiya Qorka adlanan hissəsində digər 10 təqsirkar ilə birlikdə xalqa açıq şəkildə 1946-cı ilin 4 iyul tarixində edam edildi. Bu zaman onun cəmi 24 yaşı var idi və asılan ilk şəxs idi.