Cəmil Aleksandroviç-Nasifi - Haqqinda Melumat

Cəmil Aleksandroviç-Nasifi (1882- ?) - tarixçi, arxeoloq, etnoqraf.

Həyatı

Cəmil Aleksandroviç-Nasifi 1882-ci ildə Qrodnenski vilayətində anadan olub. Mənşəcə litva tatarıdır.
"Krımın tədqiqi cəmiyyəti"ndə işləyib.
1920-ci illərin əvvəllərində Bakıya gəlmişdir.
1923-cü ildən başlayaraq Azərbaycan Arxeoloji Komitəsində, 1927-ci ildən "Azərbaycan asari-ətiqələri, incəsənət və təbiət abidələrinin mühafizəsi komitəsi"ndə ("Azkomstaris"də) işləyib.
Xarici Şərq bürosunun, o cümlədən də türk-əfqan komissiyası bölməsinin üzvü olub.
C.Aleksandroviç XX əsrin 20-ci illərinin ortalarında Arxeoloji Komitənin sədr müavini seçilib.
Bir neçə dili bilirdi: alman, fransız, rus, ukrain, türk, ərəb, fars, ingilis, polyak dillərini.
1924-cü ildən "Azərbaycanı Tədqiq və Tətəbbö Cəmiyyəti"nin tarixi-etnoqrafiya bölməsinin işində fəal şəkildə iştirak edib.
Cəmiyyət və Arxeoloji Komitə tərəfindən aparılan kəşfiyyat xarakterli arxeoloji qazıntılarda iştirak edib: 1926-cı ildə İ.İ.Meşşaninovun rəhbərliyi altında, V.Zummer, Ə.Ələkbərov, İ.Cəfərzadə, B.Latınin, T.Passek, V.Sısoyevlə birlikdə Xocalı kurqanının tədqiqində.
1925-ci ildə Gəncə, Şamaxı, Yevlaxda arxeoloji və etnoqrafik tədqiqatlar aparıb. Qız qalası ətrafında onun tərəfindən böyük işlər aparılmışdır.

O, müxtəlif elmi jurnallarda çap edilən çoxsaylı məqalələrin və işlərin, xüsusilə də yüksək elmi səviyyədə yazılmış litva tatarlarının tarixi və etnoqrafiyası üzrə iki maraqlı əsərin müəllifidir. Bu işlərdə polyak və Litva xalqlarının müxtəlif coğrafi adlarında, məişəti, adətləri, geyimləri, silahlarında türk elementlərinin iştirakı barədə danışılır.

Заповедник природы - озеро Гек-Гель. - Изв. Азкомстариса. 1924, №4, с. 277-293
Литовские татары. Краткий историко-этнографический очерк. - Изв. Общества обследования и изучения Азербайджана, 1926, №2, с.77-95
Гянджа и могила Низами. - Изв. Азкомстариса, 1926, №2, с. 20-24
Шамахы. - Изв. Азкомстариса. 1926, № 2, с. 25-32
Девичья башня в Баку. - Изв. Азкомстариса, 1929, №4, с. 155-163
Легенды о Девичьей башне в Баку. - Изв. Азкомстариса, 1927, №3, с. 163-167 (в соавторстве с Азимбековым И., Сысоевым В.М.).
Евлах-Шуша. - Изв. Азкомстариса, 1927, вып. 3
Перечень и краткая характеристика курганов главного курганного поля около с. Ходжалы. - Изв. Азкомстариса, 1927, №3, с. 169-174
Литовские татары, как часть тюркского Востока. - - Изв. Общества обследования и изучения Азербайджана, 1927, №4, с. 147-167
Находки бронзового нас около Хачмаса (октябрь 1927 г.) - - Изв. Азкомстариса, 1929, №4, с. 241-266

↑ Керимова Т.С. Из истории Национальной Академии наук Азербайджана. Баку: Тахсил, 2005, с. 294-295