Oğuz Cümə məscidi — Oğuz şəhərində yerləşən məscid.
| Cümə məscidi | |
|---|---|
| 41°03′38″ şm. e. 47°27′36″ ş. u. | |
| Ölkə |
 Azərbaycan
|
| Şəhər | Oğuz |
| Tikilmə tarixi | 1990-1995 |
| Üslubu | Osmanlı memarlıq üslubu |
| Hündürlüyü | 23 metr |
| Minarələri | 1 |
| Material | mişar daşı və bişmiş kərpic |
| Vəziyyəti | fəaliyyət göstərir |
| Kateqoriya | Məscid |
Tarixi
Məscidin inşa tarixi 1990-1995-ci illərə aiddir. Həyətyanı sahəsi 4000 kvadratmetr, iç sahəsi isə 16x10 metrdir. Məscid mişar daşı və bişmiş kərpiclə inşa edilib. Məscid binası formaca dördbucaqlıdır. Damı ağ dəmir təbəqə ilə örtülüb. Minarəsi Osmanlı memarlıq üslubunda tikilib. Hündürlüyü 23 metrdir. Döşəmədən tavana qədər olan hündürlük isə 6 metrdir. Minarəni tikən usta Şahiddir. Döşəmə və tavan taxtadandır. İbadət zalında 14 pəncərə qoyulub. Pəncərələr tağvari formadadır və taxtadan düzəldilib. Bir əsas giriş qapısı var. Giriş qapısının qarşı tərəfində açıqşəkilli eyvan yerləşib. Bundan əlavə, məscidin yan tərəfində köməkçi otaqlar inşa edilib. Məscidin günbəzi və minbəri yoxdur. Məsciddə tikinti işləri 1990-cı ildən başlansa da, maddi imkan olmadığından 1993-cü ilə qədər dayandırılıb. 1993-1995-ci illərdə tikintini Türkiyənin Gənclərə Yardım Fondu davam etdirmiş və başa çatdırmışdır. Məscidin ustaları usta Məcnun Aslanov və Elman Nuriyevdir. Məscid 1996-cı ildə qeydiyyatdan keçmişdir.
Həmçinin bax
İstinadlar
- . 2022-09-06 tarixində . İstifadə tarixi: 2023-06-27. (); (); ()