Bursa Arxeologiya Muzeyi
Bursa arxeologiya muzeyi (türk: Bursa Arkeoloji Müzesi) — eramızdan əvvəl 3000-ci illərə aid Bizans dövrünün sonuna qədər Bitinya və Misiya bölgələrinə aid əsərlər nümayiş etdirən arxeoloji muzey.
| Bursa Arxeologiya Muzeyi | |
|---|---|
| Bursa Arkeoloji Müzesi | |
 | |
| Əsası qoyulub | 19 avqust 1902[1] |
| Ölkə | |
| Yerləşir | Bursa |
| 40°11′46″ şm. e. 29°02′28″ ş. u.HGYO | |
 Vikianbarda əlaqəli mediafayllar | |
1904-cü ildə İstanbul Arxeologiya Muzeyinin filialı kimi qurulan muzey İstanbul Arxeologiya Muzeyi (1899) və Konya Arxeologiya Muzeyindən (1902)[2] sonra Türkiyənin 3-cü ən qədim muzeyidir. Bu gün Bursa Mədəniyyət Parkı daxilində yerləşir. Mədəniyyət və Turizm Nazirliyinə tabe olan muzeydə 25 min sənət əsəri saxlanılır, onlardan 2 minə yaxını nümayiş etdirilir.
E. ə. 3000-ci ildən Bizans dövrünün sonuna qədər olan dövrlərə aid Vifiniya və Misiya[3] bölgələrində tapılan tapıntılar 1904-cü ildən Bursa İdadi-i Mülkîsinin (Bursa oğlanlar üçün lisey)[4] bir hissəsində toplanmağa başlamışdır.
Sultan II Əbdülhəmid-in taxta çıxmasının ildönümü olan 1 sentyabr 1904-cü ildə Bursa Təhsil Müdiri Əzmi bəyin (Akalın) səyləri və qubernatorluğun təsdiqi ilə Liseyin binasının bir hissəsində İmperator Muzeyinin şöbəsi açıldı.[5]
Muzeyin ilk kataloqu fransız arxeoloqu Qustav Mandel tərəfindən hazırlanmışdır. 1908-ci ildə nəşr olunan bu fransız kataloqu 189 səhifədən ibarət idi.
Muzey 1929-cu ilə qədər yerləşdiyi Liseyin rəhbərliyi tərəfindən idarə olunub. 1929-cu ildə liseydəki əsərlər Yaşil Mədrəsəyə köçürüldü və 8 aprel 1930-cu ildən etibarən bu yeni məkanda sərgilənməyə başladı.
Muzey 1972-ci ildə memar Ertem Yücelin layihəsi ilə Bursa Mədəniyyət parkında inşa edilən yeni binaya köçürülmüş və 15 iyul 1972-ci ildə ziyarətçilərin istifadəsinə verilmişdir.
Muzeyin eramızdan əvvəl 650-ci ildən eramızdan əvvəl 1453-cü ilə qədər 2000 illik dövrə aid sikkələrdən ibarət "Sikkə nümayişi kataloqu" arxeoloq Rəcəb Okçu tərəfindən 2007-ci ildə türk və ingilis dillərində hazırlanmışdır.[6]
2010–2013-cü illərdə restavrasiya üçün bağlanan muzey 2013-cü ilin may ayında yenidən ziyarətçilərin üzünə açılıb.[7]
Muzeydə sərgilənən əsərlər arasında 15 milyon il əvvələ aid əşyalar, Aktopraklık kurqanından Kalkolit dövrünə aid qadın cəsədi və s. tapıntılar var. Yortan mədəniyyətinə aid torpaqdan qəbir tapıntıları, Antandros (Edremit) nekropolundan heykəlciklər, saxsı məmulatlar və ornamentlər, Bursa düzündə tapılan yunan-fars cənazə steli (dünyadakı 3 nümunədən biri, 2-si İstanbul Arxeologiya Muzeyindədir), Roma dövrünə aid daş artefaktlar, Zevs və Herakl təsvirləri, Kibele heykəlləri, Afina və Apollonun tunc büstləri. Burada müxtəlif formalı keramika qablar, Bizans dövrünə aid gümüş, tunc və terakota əşyaları, arxaik, klassik, ellinistik, Roma və Bizans dövrlərinə aid qızıl, gümüş və bürünc sikkələr var.
-
Helenistik heykəlcik -
Afina, tunc, eramızın II əsri -
Apollon, tunc, eramızın II əsri -
Bizanslı Reliquari, 330-1453. -
Yenidən qurulmuş məzar yeri -
Boyalı qəbir daşı -
Arxaik heykəlcik
- ↑ https://bursa.ktb.gov.tr/TR-94260/bursa-arkeoloji-muzesi.html.
- ↑ "Arxivlənmiş surət". 2023-03-17 tarixində arxivləşdirilib. İstifadə tarixi: 2023-10-12.
- ↑ "Arxivlənmiş surət". 2023-05-29 tarixində arxivləşdirilib. İstifadə tarixi: 2023-10-13.
- ↑ "Arxivlənmiş surət". 2022-10-15 tarixində arxivləşdirilib. İstifadə tarixi: 2023-10-12.
- ↑ https://web.archive.org/web/20150513202342/http://bgc.org.tr/ansiklopedi/muzeler-bursa-muzeleri-.html
- ↑ https://web.archive.org/web/20101204042531/http://www.uludag.edu.tr/dergi22/SikkeKatalogu.pdf
- ↑ https://web.archive.org/web/20130615102815/http://www.sabah.com.tr/Turizm/2013/05/17/tarih-hazinesi-yeniden-aciliyor