Bruderşaft və ya Qardaşlıq içkisi içmək (alm. Brüderschaft trinken‎ və ya alm. Brüderschaft‎ — azərb. “qardaşlıq”‎) — dostluğu iki və ya daha çox şəxsin eyni zamanda xüsusi süfrə ritualı ilə möhkəmləndirdiyi xüsusi bir içki məclisidir. Belə məclis zamanı üzvlər eyni vaxtda qədəhlərinin içindəki içkiləri (məsələn şərab) dirsəkləri bir-birinə dolanmış formada içirlər, daha sonra isə öpüşürlər. Bu proses zamanı iştirakçıların bir-birinin gözlərinin içinə baxması lazımdır. Bu andan etibarən iştirakçılar bir-birləri üçün yaxşı dost hesab edilirlər və bir-birlərinə sadəcə olaraq adları ilə müraciət etməlidirlər. Ritual orta əsrlər Avropasından gəlir ki, bunun da mənası belə bir süfrəyə yığışan insanların xoş niyyətlərinin sübutu deməkdir.

Həmçinin də "Sən və mən Bruderşaft içməmişik" ifadəsi də mövcuddur. Bu ifadəni söyləyən şəxs həmsöhbəti ilə münasibətinin çox qeyri-rəsmi (vulqar ifadələrin işlədilməsi, onun təhqir olunması və ya buna oxşar bir şeylər) forma almasını bildirir və onunla daha rəsmi (və ya mədəni) üslubda danışmaq istədiyini ifadə edir.