Boris Traykovski adına İdman Mərkəzi

Boris Traykovski adına İdman Mərkəzi
Boris Traykovski adına İdman Mərkəzi
Yeri	Skopye, Şimali Makedoniya
Təməli qoyulub	2004
Açılış tarixi	22 may 2008
Sahibi	Skopye
Tamaşaçı tutumu	6000—8000
	Rəsmi saytı
	Vikianbarda əlaqəli mediafayllar

Boris Traykovski adına İdman Mərkəzi (mak. Спортскиот центар „Борис Трајковски“) — Şimali Makedoniyanın Skopye şəhərində çox funksiyalı idman arenası. Arena 2004-cü ildə təyyarə qəzasında həlak olan ölkənin keçmiş prezidenti Boris Traykovskinin şərəfinə adlandırılıb. Həndbol matçları zamanı 6 min, basketbol oyunları zamanı 8 min və konsertlər zamanı on min tamaşaçı tutumuna sahib olur.

Şimali Makedoniyanın Basketbol (kişilər və qadınlar), Həndbol (kişilər) və Voleybol üzrə milli komandasının ev sahibliyi etdiyi areanadır. Tamaşaçı oturacaqlarından başqa dörd restoran və idman barı da vardır. Avropa Qadınlar Həndbol Çempionatı 2008 areanada keçirilmişdi.

Tarix

İdman mərkəzinin tikintisinə 2004-cü ilin iyun ayında başlanılır. İdarəetmə planına əsasən, yeni bir idman kompleksinin tikilməsi bir il ərzində başa çatdırılmalı idi. Amma əslində tikinti prosesində gözlənilməz problemlər yarandı və başa çatma müddəti bir neçə dəfə təxirə salındı. Təməl çuxurunu qazarkən, inşaatçılar qeyri-adi güclü yeraltı qrunt suları ilə qarşılaşdı. Bütün tikinti sahələri su altında qaldı. Bütün problemlərin aradan qaldırılması büdcədən əlavə milyon avro ayrılmasını tələb edirdi. Lakin şəhər xəzinəsində belə bir vəsit yox idi və bu səbəbdən idman mərkəzinin tikintisi müvəqqəti olaraq dayandırılır. Yeni bələdiyyə başçısı Trifun Kostovski obyektin Makedoniya hökumətinin yurisdiksiyasına verilməsini istəyir. Lakin uzun müddət bu cəhdlər uğursuz olur. 2007-ci ilin fevral ayında hökumət sonunda obyektin hökumətinin yurisdiksiyasına verilməsi barədə müqaviləni imzaladı. İdman kompleksini idarə etmək üçün ayrı bir Boris Traykovski səhmdar cəmiyyəti təşkil edilir. Burada hər bir investor tikintidə yatırılan vəsaitlərə əsasən müəyyən sayda səhm almışdır. Əsas investor Makedoniya Hökuməti idi. Ümumi tikinti xərci 17 milyon avro olan büccənin 430 min avro sərmayəsi hökumətə məxsus idi

İdman mərkəzinin rəsmi açılışı 22 may 2008-ci il tarixində gerçəkləşir. Açılış mərasiminə Amerikanın basketbol komandası «Harlem Globrotrotters» dəvət olunmuşdur. Həmin vaxtdan etibarən burada həndbol, basketbol və voleybol müsabiqələri müntəzəm olaraq keçirilir.

2011-ci ildə Baş nazir Nikola Qruevski burada bir buz meydançası və kartinq yolunun açılışında iştirak etmişdir^[1]^[2].