Bolqarıstan avtomobil yolları — yüksək sürətlə hərəkət edən iki tərəfli bir yol növüdür. 2012-ci ildən bəri avtomobil yolları Avtomagistrallar və yüksək sürətli yollar olmaqla iki yerə ayrılmışdır. Fərqlər magistral yollarda sürət həddi 140 km/saat, sürətli yollarda 120 km/saat olmasıdır. Bununla belə yalnız magistral yollarda yol kənarları vardır.
Ümumiyyətlə Bolqarıstanda pullu yollar yoxdur. Bütün yollarda (bələdiyyə istisna olmaqla) yalnız vinyet vergisi tutulur. Rüsum Yeni Avropa körpüsündən və Bolqarıstan-Rumıniya sərhəddindəki Dunay körpüsündən keçən sürücülər üçün tutulur. Bununla belə Bolqarıstan hökuməti pullu yollar yaratmağı planlaşdırır. 2016-cı ilin aprel ayında yol agentliyi 3,5 tondan böyük olan avtomobillər üçün elektron ödəmə sisteminin yaradılması üçün müsabiqə elan etmişdir.
Tarix
Avtomagistral yollarının inşası üçün ilk planlar 1973-cü ildə ortaya atılır. Bolqarıstan Xalq Respublikası hökuməti üç magistralın (Frakya, Hemus və Çerno more) halqanın inşasına icazə verir. 1990-cı ilə qədər 273 km avtomagistral yol salınmışdır. 2007-ci ilə qədər (AB üzvlüyündən sonra) dövlət maliyyəsi hesabına avtomagistralların uzunluğu 420 km-ə qədər genişlənmişdir. AB vəsaitlərinin istifadəsi Bolqarıstana yol inşanını sürətləndirməyə imkan verdi: 11 oktyabr 2019-cu ilədək 812,3 km yol çəkildi, daha 98,1 km inşa edildi.
2011-ci ildə Sofiyanı Pernik və Struma avtomobil yolu ilə birləşdirən 19 km-lik Lyulin avtomobil yolu açıldı. 15 iyul 2013-cü ildə Sofiyanı Burqas və Qara dəniz sahilləri ilə birləşdirən, 40 ildir davam etdirilən 360 km-lik Trakya avtomobil yolu istifadəyə verildi. 29 oktyabr 2015-ci ildə Maritsa avtomobil yolunun Çırpanda Trakya ilə əlaqəli və Türkiyə sərhədindəki Kapitan Andreevo keçid məntəqəsinə aparan son hissəsi açıldı. 2015-ci ildən Sofiya Şimal Keçidi fəaliyyətə başlayır.
Digər layihələr
2012-ci ildə Bolqarıstan hökuməti Qətərlə Türkiyə-Yunanıstan sərhəddindəki Svilenqraddan Rumıniya sərhəddində yerləşən Ruseyə qədər yolun tikintisi ilə bağlı danışıqlara başladı. Yol IX Pan-Avropa dəhlizinə daxil olmalıdır. Bununla bağlı 2012-ci ilin oktyabr ayında bir müsabiqə elan edilmişdir.
Qonşu dövlətlərlə birləşdirən yollar
Yunanıstan
Struma avtomagistralı Yunanıstan sərhədi ilə Kulataya gedir və A25 avtomobil yoluna birləşir. Marşrut IV Pan-Avropa Dəhlizinin bir hissəsidir. Maritsa avtomobil yolunun başqa bir qovşağı gələcək A21 avtomobil yoluna qoşulmaq üçün Svilenqrad yaxınlığında inşa edildi.
Rumıniya
Hemus şossesindən gələn Botevqrad - Vidin, Veliko Tırnovo - Ruse və Şumen - Ruse avtomobil yolları Rumıniyaya birləşəcəkdir. Botevqrad - Vidin yolu digərlərindən əvvəl inşa ediləcəkdir. Rumıniyanın Baş naziri Viktor Ponta Yeni Avropa Körpüsünün açılışından sonra Rumıniyanın Krayova və Kalafat şəhərləri arasında başqa bir yolun çəkiləcəyini bildirmişdir. Gələcəkdə Qara dəniz avtomagistralı mobil yolu Konstanta aparan A4 avtomobil yolu ilə birləşməlidir.
Türkiyə
Maritsa avtmagistralı Kapitan Andreevo keçid məntəqəsində İstanbula aparan O-3 yoluna bağlanır.
Serbiya
Kalotina avtomobil yolunun Sofiyadan Kalatinaya aparan 31.5 km hissəsi Serbiyanın A4 yolu ilə Nisə bağlanacaq. Marşrut X Pan-Avropa Dəhlizinə daxildir.
Makedoniya Respublikası
Struma avtomobil yolundan çıxan Dupnitsa-Kyustendil yolu gələcəkdə Şimali Makedoniya Respublikasının yollarına bağlanmalıdır.
İstinadlar
- . novinite.com. 2012-06-26. 2020-07-07 tarixində . İstifadə tarixi: 2020-04-14.
- . RIA. 2015-02-17 tarixində . İstifadə tarixi: 2015-02-17.
- . SEE News. 2016-04-06. 2016-04-18 tarixində arxivləşdirilib. İstifadə tarixi: 2020-04-14.
- (bolqar). Tema Daily. 2013-04-06. 2013-07-09 tarixində arxivləşdirilib. İstifadə tarixi: 2020-04-14.
- Maria Andonova. . "Капитал". 2008-06-27. 2010-12-24 tarixində . İstifadə tarixi: 2015-08-05.
- . plovdiv24.bg (bolqar). 2016-03-04 tarixində . İstifadə tarixi: 2015-10-29.
- . stroitelstvo.info (bolqar). 2012-10-22. 2013-02-18 tarixində . İstifadə tarixi: 2013-01-03.
- . agerpres.ro. 2013-06-14. 2013-07-17 tarixində .