Boliviya ilə Gürcüstan arasındakı diplomatik münasibətlər 20 noyabr 1998-ci ildən başlayır. Halbuki ilk Boliviya səfiri etimadnaməsini yalnız 2002-ci ildə Gürcüstan Prezidenti Eduard Şevardnadzeyə təqdim etmişdir.

Boliviya Gürcüstan Prezidenti Saakaşvilinin viza liberallaşdırma siyasətinin bir hissəsi olaraq Gürcüstan ilə vizasız rejimdən erkən istifadə edirdi. Lakin 2014-cü ildə Gürcüstan hökuməti təhlükəsizlik səbəblərini əsas gətirərək Boliviyaya vizasız rejimi ləğv edir.

Tiflis ilə Sukre arasındakı gərginliyə baxmayaraq, zamanla bir neçə yüksək səviyyəli görüşlər keçirilmişdir. Prezident Saakaşvili 2011-ci ildə Nyu-Yorkda Evo Morales ilə görüşmüşdür. Gürcüstan və Boliviya parlamentlərinin nümayəndələei isə 2018-ci ilin mart ayında Cenevrədə Parlamentlərarası Birliyin 138-ci Assambleyası zamanı iş iclasında görüş keçirmişlər.

2010-cu ildə Boliviya və Gürcüstanın Xarici İşlər Nazirlikləri arasında Sukredə iqtisadiyyat, kənd təsərrüfatı, mədəniyyət və təhsil mövzusunda ikitərəfli məsləhətləşmələr quraraq Anlaşma Memorandumu imzalanmışdır.

Hər iki dövlət arasındakı münasibətlər, xüsusilə Boliviya hökumətinin Rusiya ilə sıx əlaqələri nəzərə alınmaqla mübahisəlidir. Gərginlik 2008-ci il Rusiya-Gürcüstan müharibəsindən sonra, Boliviya beş günlük müharibə zamanı Rusiyanın işğalını qınamayan az saylı dövlətlərdən biri olduğu dövrdə yaşanır. Münaqişədən bəri Boliviya BMT-də Gürcüstanla əlaqəli hər hansı bir səsvermədə, xüsusən də Gürcüstanın təşəbbüsü ilə məcburi köçkünlərin Abxaziya və Cənubi Osetiyaya dönməsini tələb edən illik qərarına qarşı davamlı olaraq Rusiyanın lehinə səs vermişdir.

Boliviya Gürcüstanın iki separatçı respublikasının müstəqilliyini tanımağı 2008-ci ilin sentyabr ayından etibarən düşünməsi barədə şaiyələr yayılmışdır. Lakin bu öz trəsdiqini tapmamışdır. 2009-cu ildə Venesuelanın Abxaziya və Cənubi Osetiyanın müstəqilliyini tanımasından sonra Venesuela Prezidenti Uqo Çavez Boliviyanı onun yolunu izləmək üçün lobbiçilik etmək istədiyini bildirir. 2010-cu ildə xarici işlər naziri Maksim Qvindziyanın başçılığı altında Abxaziya nümayəndə heyəti Sukre ilə diplomatik əlaqələr qurmaq üçün Boliviyaya səfər edir.

Boliviyanın Gürcüstanda yalnız bir akkreditə olunmuş səfiri var idi. Baxmayaraq ki, sonuncusu Moskvada idi və postsovet respublikalarının əksəriyyətində akreditə olunmuşdu.

2011-ci ildə Gürcüstan Boliviyanı da əhatə etmək üzrə Argentinada səfirliyini açır.