Filmdə Qarabağ müharibəsi bir uşağın dili ilə canlandırılır. Müharibənin bütün dəhşətləri bu balaca oğlanın gözü qarşısında baş verib. Onu öz torpağına qayıtmaq arzusundan heç bir güc döndərə bilməz.

Azərbaycan torpaqlarının işğalı, Xocalı faciəsi, ermənilərin törətdiyi qətliamlar, Qarabağ müharibəsinin faciəvi nəticələri, qaçqın-köçkün taleyinin çətin məqamları filmin süjet xəttinin əsasında dayanıb. Erkən yaşlarında doğmalarını itirən Zakir Qasımovun (Pərvaz İbrahimli) payına isə bu müharibədən həyatın boz üzü və xatirələrin acısı düşüb.

Filmin qəhrəmanının atası Xocalı soyqırımı zamanı həlak olmuşdur. Gözəl səsi olan bu gənc Musiqi Akademiyasına getməyə hazırlaşsa da, fikrini dəyişir və Hərbi Akademiyaya oxumağa gedir.

Ayan Mirqasımova — Nərgiz

Pərvaz İbrahimli — Zakir

Ömür Nağıyev — Xocalı qaçqını Nağıyev

İlham Əsgərov — müəllim

Mirzə Ağayev — Zakirin babası

Kamil Ağazadə — Zakirin qardaşı

Firuz Xudaverdiyev — Çəkməçi

Sevil Xəlilova — Qaçqın qadın

Filmi səsləndirənlər:

Hüsniyyə Mürvətova — Nərgiz (Ayan Mirqasımova) (titrlərdə yoxdur)

Rasim Balayev -müəllim — (İlham Əsgərov) (titrlərdə yoxdur)

Ramiz Əzizbəyli — Çəkməçi (Firuz Xudaverdiyev) (titrlərdə yoxdur)

Laləzar Mustafayeva — Qaçqın qadın (Sevil Xəlilova) (titrlərdə yoxdur)