Bazarxevi — Tiflis quberniyasının Siqnax qəzasında kənd adı. "Bazar" etnonimindən və gürcücə xevi "dərə" sözündəndir. Gürcüstanda Bazari yaşayış məntəqə 1392-ci ildə çəkilmişdir. Qıpçaq mənşəli Basar tayfasının adındandır. Qırqızlarda Bazar, qaraqalpaqlarda və kalmıklarda Basar tayfaları məlumdur. Qafqazda "bazar" sözündən düzəlmiş çoxlu dağ, çay və kənd adları vardı: Bazarçay, Bazaryurd, Şimali Qafqazda Qaranoqay dairəsində Bazar-Nur, Zaqatala qəzasında Bazarqobu və s. Zaqatala rayonun Çobankol kəndinin bir məhəlləsi də Bazar adlanır. Həmin rayonda əhalisi azərbaycanlılardan ibarət Qımır kəndinin tam adı Qımırbazar, Car kəndinin qədim adı isə Carbazar olmuşdur. İ.P.Lineviçin 1873-cü ilə aid məlumatında Zaqatala dairəsində 3 ailədən ibarət Bazartala kəndinin adı çəkilir. Azərbaycanda Dəvəçi Bazar orta əsrlərdə Yurd Bazar Anbarçi (Kürlə Arazın qovşağında) toponimi məlumdur.

Tiflis quberniyası

1. B.Ə.Budaqov, Q.Ə.Qeybullayev. Gürcüstanda Türkmənşəli Toponimlərin İzahlı Lüğəti. Bakı, "Nurlan" 2008