Baddi Qay 30 iyul 1936-cı ildə fermer ailəsində doğulub. İlk gitarasını siqar qutularından və ağcaqanad əleyhinə olan gərmənc ipdən hazırlanmış tordan istifadə edərək düzəltmişdi. Radio və valları dinləyərək ifa etməyi özü öyrənmişdir. Yamsılamaq üçün ilk nümunələri arasında Con Li Huker, Laytninq Hopkins, Maddi Uoters yer alırdı. Hələ gənc ikən peşəkar səviyyədə çıxış etməyə başladı, amma sıxıntı, utancaqlıq və inamsızlıqdan kürəyi tamaşaçılara tərəf otururdu, bu keyfiyyətləri ona gələcəkdə də mane olacaqdı.

İlk val qeydlərini Luizana ştatında edib, amma əsl blyuzmen karyerası 25 sentyabr 1957-ci ildə Çikaqo ştatına köçməsi ilə başladı. Orada ifasını təsadüfən eşidən Maddi Uoters dərhal onu himayəsinə götürür. O gənc musiqiçiyə Chess studiyasında və Çikaqo klublarında işləmək imkanı yaradır. Baddi Qay ilk solo sinqllərini 1959-cu ildə Artistic və Cobra firmalarında buraxdı. Chess studiyasında çikaqo blyuzunun qızıl çağlarının ulduzları, hazırda blyuzun klassikləri hesab edilən Maddi Uoters, Sanni Boy Vilyamson, Litl Volter, Koko Teylor və başqalarını müşayiət edirdi. Stone Crazy mahnısı ilə 1962-ci ildə ritm-end-blyuz çartlarında 12-ci yeri tutdu.

Baddi Qay Çikaqoda blyuzun yeni "vest-sayd blyuz" üslubunu yaradan birinci musiqiçilərdəndir. Chess qardaşları ilə anlaşa bilməyən Baddi, ilk albomunu yeni Çikaqo firması Vanguard-da buraxdı. Albom Bi Bi King, Ceyms Braun və Conni "Gitar" Uotsonu açıq aşkar təqliddə qınamalara səbəb olsa da çox yaxşı müvəffəqiyyətə malik idi. Dikson Uillisin American Folk Blues Festival musiqi icmalında çalışmışdı. 60-cı illərdə Baddi Qayın Maddi Uotersin keçmiş saydmeni Cunior Uells ilə daimi dueti formalaşır. Onların 60–70-ci illərdə konsertləri müvəffəqiyyətli olur. Duetin iştirakı ilə bir neçə albom yazıldı. Bununla belə, tamaşaçının blyuza ümumi marağının düşməsiylə 70-ci illərin əvvəllərində duetin işləri yaxşıya doğru getmədi. Bu səbəbdən də Baddiyə yük avtomobili sürücüsü və tikintidə fəhlə işləmək lazım gəlirdi. Onun diskoqrafiyasında on ilə qədər fasilə yaranır. 1979-cu ildə Parisdə bir neçə saat ərzində studiyada yazılmış albom tamamilə qeyri-adi blüz, rok-eksperimental səslənmə, Stiv Rey Von innovasiyasına yaxın iş görmüş olur.

1990-cı ildə Londonun nüfuzlu Royal Albert Hall zalında Erik Kleptonnun konsertlərində çıxış etməsi Baddi Qayın yenidən böyük səhnəyə qayıtmasının başlanğıcı oldu. Bu məşhurluq onun albomlarının və sinqllarının çartlarda görünməsinə səbəb olur. İngiltərə firması Silvertone üçün ingilis ulduzları Erik Klepton, Ceff Bek və Mark Nopflerin iştirakı ilə 1991-ci ildə yazılmış albom yeni blüz bumu dalğasının yaranmasına və sensasiyalı müvəffəqiyyətə malik oldu. Stiv Rey Vonun xatirəsinə həsr olunmuş albom Baddi Qaya ilk Qremmi mükafatını qazandırmış və zamanla "platin" statusuna nail olmuşdur. Növbəti iki albomu da Qremmi mükafatına layiq görülmüşdür. 1993-cü il albom yazısında Bonni Reytt, Con Meyell, Pol Rodjers və "Little Feat" blüz qrupunun üzvləri, 1994-cü ildə albomun yazılmasında isə Stiv Rey Vonun "Double Trouble" qrupunun keçmiş üzvləri iştirak edib. Baddi Qayın yeni mərhələsinin şah əsərləri olan blüz albomlarını, Çikaqoda "Legends" klubunda konsertlə qeyd edir. Musiqiçi burada özünü evindəki kimi hiss edir və istədiyi kimi ifa etməyi özünə rəva bilir. Onun blüzu təbii və rahat səslənir, lazım olan vaxtda, ədayla, istədiyi vaxt – qızğın. Çatılmış uzun təcrübə, öz musiqi və dinləyicisinə təqdim edilmiş məhəbbət, janrın daxili dərin qanunları – bütün bu rahatlıq üçün etibarlı bünövrə var.