Bəsmə bint Təlal (ərəb. بسمة بنت طلال‎; , ) — İordaniya kralı I Təlalın yeganə qızı.

1951-ci ildə Ammanda dünyaya gəldi. Atası İordaniya kralı I Təlal, anası isə onun türk əsilli xanımı Zeynəl-şərəf bint Cəmildir. Doğumundan 2 ay sonra atası taxta çıxdı, ancaq bir il sonra şizofreniya diaqnozu ilə taxtdan endirildi. Yerinə isə böyük qardaşı I Hüseyn taxta çıxarıldı. İlk təhsilini Ammandakı qızlar məktəbində aldı. Ardından İngiltərəyə göndərildi və burada Şahzadə Anna (II Elizabetin qızı) ilə eyni məktəbdə təhsilini davam etdirdi. Daha sonra Oksford Universitetində müasir dillər üzrə təhsilini tamamladı. 2001-ci ildə eyni universitetin fəlsəfə doktoru elmi dərəcəsini qazandı.

İlk evliliyi 2 aprel 1970-ci ildə Ammanda İordaniyanın Birləşmiş krallıqdakı səfiri polkovnik Teymur Dağıstani ilə baş tutdu. Cütlüyün bu nikahdan 2 övladı doğuldu. Ancaq 1970-ci illərin sonunda cütlük boşandı.

• Fərəh Dağıstani (25 mart 1971-)
  • Fatimə Zəhra (11 oktyabr 2005-)
  • Zeynəl-şərəf (5 oktyabr 2007-)
  • Əbdüləziz (18 iyun 2010-)
• Qazi Dağıstani (21 iyul 1974-)
  • Aişə bint Qazi (1 iyun 2007-)

İkinci evliliyi isə 14 aprel 1980-ci ildə Valid əl-Kürdi ilə evləndi. Cütlüyün bu nikahdan 2 övladı doğuldu.

• Səəd əl-Kürdi (8 noyabr 1982-)
  • Bəsmə bint Səəd (17 iyun 2017-)
  • Həya bint Səəd (13 avqust 2018-)
• Zeynəl-şərəf əl-Kürdi (1 iyun 1986-)
  • Aliyə (5 oktyabr 2007-)