Bədöyün məscidi — yerli əhali arasında həm də Badavun məscidi və Bədöy məscidi kimi tanınan tarix-memarlıq abidəsi. Abidə Azərbaycan Respublikası Nazirlər Kabinetinin 2001-ci il avqustun 2-də verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.
| Bədöyün məscidi | |
|---|---|
 | |
| Ölkə |
 Azərbaycan
|
| Şəhər |
 İsmayıllı
|
| Yerləşir | Lahıc kəndi |
| Aidiyyatı | |
| Tikilmə tarixi | 1791 |
| Üslubu | Şirvan-Abşeron memarlıq məktəbi |
| İstinad nöm. | |
| Kateqoriya | Məscid |
| Əhəmiyyəti | Yerli əhəmiyyətli |
|
|
|
 Vikianbarda əlaqəli mediafayllar | |
Tarixi
Məscidin inşa tarixi 1791-ci ilə aiddir. Məscid, Hacı Qurban adlı şəxs tərəfindən inşa olunmuşdur.
Abidənin üzərində 8 kitabə mövcuddur. Bunların yeddisi ərəb dilində, biri isə ərəb qrafikası ilə Azərbaycan dilindədir. İki kitabədə əks olunmuş dini hədis mətnlərindən sonra, hicri 1295-ci il (1878-ci il) və hicri 1323-cü il (1905-ci il) tarixləri qeyd edilib.
SSRİ dövründə məscid xalça sexi kimi istifadə edilmişdir. 1990-cı ildən isə məscidin fəaliyyəti bərpa olunmuşdur.
Restavrasiyası
1990-1997-ci illərdə bir neçə dəfə məscid yerli əhalinin səyləri ilə təmir edilmişdir.
2019-cu ildə Azərbaycan Respublikasının Birinci vitse-prezidenti Mehriban Əliyeva İsmayıllı rayonu Lahıc qəsəbəsinə səfərdə olarkən sakinlər Bədöyün məscidinin təmirinə köməklik olunması barədə xahiş edib. Birinci vitse-prezident məscidə gedərək vəziyyətlə tanış olub və əsaslı təmir olunması barədə tapşırıq verib.
Bundan sonra, Dövlət Turizm Agentliyi ilə AMEA-nın Arxeologiya və Etnoqrafiya İnstitutu arasında imzalanmış memoranduma əsasən abidədə restavrasiya işlərindən əvvəl arxeoloji tədqiqat işlərinin aparılması qərarlaşdırılıb. Abidə ərazisində arxeoloji qazıntılara Arxeologiya və Etnoqrafiya İnstitutunun Lahıc arxeoloji ekspedisiyasının rəhbəri Akif Quliyev rəhbərlik etmişdir.
Tədqiqat və bərpa işlərindən sonra 2021-ci ilin noyabr ayında Azərbaycan Respublikasının Prezidenti İlham Əliyev və Azərbaycan Respublikasının Birinci vitse-prezidenti Mehriban Əliyeva Bədöyün məscidinin yenidən istifadəyə verilməsi mərasimində iştirak ediblər.
Görülən işlər nəticəsində məscid orijinal formasına uyğun bərpa edilib. Məscidin minarəsi yenidən qurulub, dəstəmazxana inşa olunub. Məscidin qadınlar üçün nəzərdə tutulan hücrə və şəbəkələri əvvəlki görünüşünə qaytarılıb.
Memarlıq xüsusiyyətləri
Bina çaylaq daşından tikilib. Məscid binası iki mərtəbədən ibarətdir. Qadınlar üçün nəzərdə tutulan hissə ikinci mərtəbədədir. Girişdən sol tərəfdəki otaqda məscidin əvvəlki axundlarından birinin məzarı yerləşir.
-
Minbərin yerləşməsi -
Bədöyün məscidinin memarı -
İkinci mərtəbədə qadınların ibadət otağı -
Məscidin döşəməsində arxeoloji qazıntı sahəsini göstərən şüşə panellər
İstinadlar
- ↑ . Shimal News (az.). 6 iyun 2023. 2024-08-15 tarixində . İstifadə tarixi: 15 avqust 2024.
- (PDF) (az.). mct.gov.az. 2001-08-02. 2021-07-07 tarixində (PDF). İstifadə tarixi: 2023-01-05.
- ↑ . ismayilli-ih.gov.az (az.). 2024-08-15 tarixində . İstifadə tarixi: 15 avqust 2024.
- ↑ Nakhiyev, Alakhber; Nasirli, Toghrul. . science.gov.az (az.). 12.11.2019. 2024-08-15 tarixində . İstifadə tarixi: 15 avqust 2024.
- . president.az (az.). 01 noyabr 2021. 2024-08-15 tarixində . İstifadə tarixi: 15 avqust 2024.
- . www.heritage.org.az (ingilis). 2024-08-15 tarixində . İstifadə tarixi: 15 avqust 2024.