Bəbir Məmmədzadə

Məmmədzadə Bəbir Bəyməmməd oğlu (1914, Şağan, Bakı qəzası – 1942, Bakı) — Azərbaycan şairi, Yazıçılar Birliyinin üzvü.

Bəbir Məmmədzadə
Məmmədzadə Bəbir Bəyməmməd oğlu
Doğum tarixi	1914
Doğum yeri	Şağan, Bakı qəzası, Bakı quberniyası, Rusiya imperiyası
Vəfat tarixi	1942
Vəfat yeri	Bakı, Azərbaycan SSR, SSRİ
Təhsili	Dini təhsil
Fəaliyyəti	Şair, müəllim
Janr	Qəzəl

Həyatı

1914-cü ildə Bakı yaxınlığında Şağan kəndində xarrat ailəsində doğulmuşdur. İbtidai təhsilini kənddə almış, 1930–1931-ci tədris illərində Əzizbəyov adına Şuşa pedaqoji texnikumunda təhsilini davam etdirmişdir Şuşa və Bakıda yeddiillik məktəbdə müəllim olmuşdur. 1935-ci ilin mayından Azərbaycan Dövlət Dram Teatrında aktyorluq etmişdir. Bədii yaradıcılığa 1928-ci ildən başlamış, ilk şerlərini "Kommunist", "Ədəbiyyat qəzeti", "Gənc işçi", "Yeni yol" qəzetlərində, "Pioner" jurnalında çap etdirmişdir. Onun "Nizami". "Göyərçin", "Otto Şmidt", "Puşkin", "Maj səhəri", "Şota Rustaveli", "Şairin səsi". "Sərhəddə" və s. şerləri ilə yanaşı "Muğan", "Mirzə Fətəli", "May şərqisi", "Rəhbərə səs veririk" birpərdəli mənzum dramları da rəğbətlə qarşılanmışdır. Bir müddət Azərbaycan Yazıçılar İttifaqında folklor bölməsinə rəhbərlik etmişdir. O, satirik şerlər, felyeton və Hekayələr də yazmışdır.

1942-ci ildə vəfat etmişdir..