Türkmənistan–BƏƏ münasibətləri — Türkmənistan və BƏƏ arasındakı mövcud ikitərəfli münasibətlər. İki ölkə arasında dövlətlərarası əməkdaşlıq üçün hüquqi baza 28 sənədə əsaslanır. Hər iki ölkə BMT və İƏT-nin tam hüquqlu üzvləridir. Hazırda Türkmənistanın BƏƏ-dəki səfiri Orazmurat Qurbannazarovdur. BƏƏ-nin Türkmənistandakı səfiri Hassan Abdullah Əl-Adab Əl Zarounidir. Ölkələr Birləşmiş Millətlər Təşkilatı, Ümumdünya poçt ittifaqı, UNESCO, Beynəlxalq Yenidənqurma və İnkişaf Bankı, BMT-nin Ərzaq və Kənd Təsərrüfatı Təşkilatı, Ümumdünya Səhiyyə Təşkilatı, Beynəlxalq Valyuta Fondu və İslam Əməkdaşlıq Təşkilatının üzvüdür. Hər iki ölkə beynəlxalq təşklatlar səviyyəsində bir-biri ilə əməkdaşlıq edir.
| Türkmənistan–BƏƏ münasibətləri | |||||
|---|---|---|---|---|---|
|
|||||
Tarix
Türkmənistan 10 oktyabr 1995-ci ildə BƏƏ ilə diplomatik əlaqələr qurmuşdur.
Türkmənistanın BƏƏ-dəki səfirliyi 16 yanvar 2001-ci ildə Əbu-Dabi şəhərində açılmışdır.
BƏƏ-nin Türkmənistandakı səfirliyi 20 avqust 2002-ci ildə Aşqabad şəhərində açılmışdır.
Son 10 ildə yüksək səviyyəli dövlət səfərləri mübadiləsi qarşılıqlı faydalı münasibətlərin, dostluğun və qarşılıqlı anlaşmanın təməlini qoymuşdur. Türkmənistanın hazırkı Prezidenti Qurbanqulu Berdiməhəmmədov BƏƏ-yə iki dəfə səfər etmişdir: 2007-ci ilin avqustunda, 2010-cu ilin fevralında və 2013-cü ilin dekabrında.
BƏƏ prezidenti Xəlifə ibn Zeyd ən-Nəhyan, türkmən xalqına hörmət əlaməti olaraq, Mərı şəhərindəki hava limanının və Aşqabad Yetimlər Sarayının tikintisini maliyyələşdirmişdir.
16 fevral 2013-cü il tarixində Birləşmiş Ərəb Əmirliklərinin Prezidenti Şeyx Xəlifə Bin Zayed Əl-Nahyan Aşqabada səfər etmişdir.
Ticarət və iqtisadi əməkdaşlıq
Ölkələr əsasən yanacaq və enerji sənayesində, nəqliyyat və rabitə sektorunda, inşaat sənayesində, səhiyyə, tibb sənayesində və kənd təsərrüfatında əməkdaşlıq edirlər.
2012-ci ildə ölkələr arasında ticarət dövriyyəsi 1 milyard 423 milyon ABŞ dolları olmuşdur.
1 yanvar 2013-cü il tarixinə Türkmənistanda Əmirlik müəssisələrinin iştirakı ilə 50-dən çox müəssisə qeydiyyata alınmışdır.
Mədəni əməkdaşlıq
2013-cü ildə BƏƏ-də Türkmənistanın Mədəniyyət Günləri keçirilmişdir. 2014-cü ildə BƏƏ-nin mədəniyyət günlərinin Türkmənistanda keçirilməsi planlaşdırılmışdır.
Mənbə
- 2016-03-06 at the Wayback Machine
İstinadlar
- . 2016-03-05 tarixində arxivləşdirilib. İstifadə tarixi: 2021-07-08.
- . 2013-12-19 tarixində . İstifadə tarixi: 2021-07-08.
- . 2013-12-19 tarixində . İstifadə tarixi: 2021-07-08.
- . 2013-12-19 tarixində . İstifadə tarixi: 2021-07-08.
- . 2020-06-21 tarixində arxivləşdirilib. İstifadə tarixi: 2021-07-08.
- . 2016-03-05 tarixində arxivləşdirilib. İstifadə tarixi: 2021-07-08.
- . 2015-07-16 tarixində arxivləşdirilib. İstifadə tarixi: 2021-07-08.