Böyük Qardaş (ing. Big Brother) — Corc Oruellin "1984" romanının personajı, dövlətinin və "İngsos" partiyasının lideri.
| Böyük Qardaş | |
|---|---|
| Big Brother | |
 | |
| Yaradan | Corc Oruell |
| Əsər | "1984" |
| Uyğunlaşdırma | İosif Stalin və ya |
| Məlumat | |
| Cinsi | kişi |
| Peşəsi | rəhbər[d] |
 Vikianbarda əlaqəli mediafayllar | |
Oruellin təsvir etdiyi cəmiyyətdə bütün vətəndaşlar dövlətin daimi nəzarəti altındadırlar. Bu nəzarət əsasən teleekranlar vasitəsilə həyata keçirilir. İnsanlar daim "Böyük Qardaş sizi izləyir" ifadəsi ilə bu barədə xəbərdar edilirlər.
"Böyük Qardaş" termini vətəndaş azadlıqlarının məhdudlaşdırılması, əsasən isə kütləvi nəzarət məqsədilə dövlətin inzibati gücündən sui-istifadə edilməsini bildirməklə bir çox dillərin lüğətlərinə daxil olmuşdur.
Şəxsiyyəti
Teleekranlarda Böyük Qardaş Okeaniyanın mütləq rəhbəri kimi ön plana çıxır. Lakin, Böyük Qardaşın həqiqətən mövcud olması, yaxud təbliğatın yaratdığı obraz olması naməlum qalır. Əsərin baş qəhrəmanı partiyanın agenti O`Brayenə verdiyi "O da mənim mövcud olduğum şəkildə mövcuddurmu" sualına "Siz mövcud deyilsiniz. … Böyük Qardaş partiyanın təcəssümü kimi mövcuddur və ölümsüzdür." cavabını alır.