Böyük Borbalo (gürc. დიდი ბორბალო) — Gürcüstan ərazisində dağ. Dağ Baş Qafqazın Pşav-Xevsuret silsiləsində yerləşir. Bu bölgədən bir çox çaylar öz başlanğıcını götürür: Qabırrıçay və Qanıxçay. Bundan başqa digər çayların qolları da bu ərazidən qidalanırlar: Terek hövzəsinə aid olan Arqun çayının qolu - Andaki, Sulak hövzəsinə daxil olan Andiy Koysu çayı və s. Böyük Borbalo dağından cənuba nəzərə çarpan iki silsilə ayrılır. Bu silsilələr suayrıcı rolunu oynayırlar: Kartil silsiləsi — Pşavskaya Araqvi ilə İori arasında və Kaxetiya silsiləsi — Qabırrıçay ilə Qanıxçay (Kür hövzəsi) arasında. Dağ Gürcüstanın tarixi-coğrafi ərazisi olan Tuşetiyaya aiddir.

Böyük Borbalo
gürc. დიდი ბორბალო
Ümumi məlumatlar
Dağ sistemi	Baş Qafqaz silsiləsi
Mütləq hündürlüyü	3294 m
Yerləşməsi
42°25′13″ şm. e. 45°13′02″ ş. u.
Ölkə	Gürcüstan
Böyük Borbalo

Böyük Borbalo, həm də şimalda yerləşən Tebulosmta ilə birlikdə Baş Qafqazda geoloji quruluşlar arasında sərhəd rolunu oynayır. Məhs Borbalodan qərbdə daha çox qranit, kristallik şist, porfir və s tip süxurlar üstünlük təşkil etsə də, ondan şərqdə daha çox çökmə süxurlar üstünlük təşkil edir (gilli şist, qum daşı və s).

Böyük Borbalonun dəniz səviyyəsindən mütləq hündürlüyü 3294 metrdir. Ondan şimal-şərqdə dağı yerləşir — 3134 metr.

Böyük Borbalo dağından cənub-şərqdə yerləşən Suayrıcı silsilə Kür-Araz düzənliyinə qədər uzanır. Yəni Böyük Qafqazın şərq hissəsinin cənub ətəklərində ona paralel uzanan böyük silsilələr yoxdur. Babadağ - Şamaxı və Pirsaat - Ləngəbiz silsilələri istisna olmaqla. O üzdən Böyük Borbalo dağının ətəklərindən Alazan-Həftəran vadisi və İori alçaq (Şirək çölü) dağlıq əraziləri başlayır.

Borbalodan şərqdə Mtatuşet qoruğu (Mta-Tuşeti), Bans aşırımı (2928 m) və Torvas-Abano kurortu (1800–1850 m) yerləşir. Kurort Bans aşırımı yaxınlığındakı Storo çayı sahilindədir. Qərbdə isə Datvis-Jvarisqele aşırımı var (2676 m).

Böyük Borbaloda alp və subalp landşaftı üstünlük təşkil edir. Ərazidə daha çox alp çəməniyinə xarakterik bitki örtüyü yayılıb.