"BB TV Kommunikeyşn" MMC 1996-cı ildə təsis olunmuşdur və Azərbaycanda ilk dəfə analoq üsülu ilə radio televiziya kanallarının efir-kabel yayımı xidmətini göstərməyə başlamışdır.

Milli Televiziya və Radio Şurasının 17 aprel 2007-ci il tarixli qərarı ilə "BB TV Kommunikeyşn" MMC-yə Azərbaycan Respublikasının bütün ərazisində, radio televiziya kanallarının rəqəmsal efir-kabel yayım fəaliyyəti ilə məşğul olmaq üçün 6 il müddətinə xüsusi razılıq (lisenziya) verilmişdir.

2007-ci ilin aprel ayından başlayaraq "BB TV Kommunikeyşn" MMC Cənubi Qafqazda ilk dəfə rəqəmsal efir-kabel yayımını vətandaşlara təqdim etmişdir.

Hal-hazırda "BB TV Kommunikeyşn" MMC rəqəmsal efir-kabel yayımını Bakı, Sumqayıt və Abşeron yarımadasında həyata keçirir.

"BB TV Kommunikeyşn" MMC-nin strategiyasına əsasən, gələcəkdə regionların keyfiyyətli rəqəmsal efir-kabel yayımı ilə əhatə olunması planlaşdırılır.

Hər zaman öz sahəsində birinci olan və son texnologiyaları tətbiq edərək abunəçilərə yüksək keyfiyyətli xidmət göstərən "BB TV Kommunikeyşn" MMC artıq üçüncü dəfə efif-kabel yayımı sahəsində birinci olaraq 14 may 2010-cu ildə Azərbaycanda ilk dəfə HDTV (yüksək dəqiqliyə malik televiziya) xidmətini abunəçilərinə təqdim etmişdir.