Neftçala Sənaye Məhəlləsindəki ən böyük müəssisələrdən biri “Khazar” Avtomobil Zavodudur ("AzKron" MMC avtomobil istehsalı zavodu). İllik istehsal gücü 10 min avtomobil olan Azərbaycan-İran birgə müəssisəsində birinci mərhələdə — 2019-cu ilin sonunadək 6 min avtomobil istehsalı planlaşdırılırdı. Müəssisənin ildə 2 min avtomobilin ixracı nəzərdə tutulurdu. Müəssisədə 300 nəfər işlə təmin edilmişdi. 2019-cu ilin sonlarından etibarən bu avtomobillərin ehtiyat hissələrinin böyük hissəsinin Azərbaycanda istehsalının nəzərdə tutulur.

“Khazar” Avtomobil Zavodu Neftçala Sənaye Məhəlləsinin ən böyük rezidentidir. Zavodu “Azərmaş” ASC və “İran Khodro” şirkəti birgə yaradıb.

Müəssisədə “İran Khodro” şirkəti 25%-lik paya malikdir. Müasir texnologiyalar, avadanlıq və mexanizmlər əsasında qurulan zavodda “”, “”, “”, “”, “Peugeot-206”, “Peugeot-207”, “Renault-Tondar”, “Renault-Pickup” kimi avtomobil modelləri istehsal ediləcəyi açıqlanmışdı. Azərbaycan və İran prezidentləri İlham Əliyev və Həsən Ruhani 2018-ci il martın 29-da zavodun açılışını gerçəkləşdiriblər.

2020-ci ilin əvvəlində Neftçala Sənaye Məhəlləsində yerləşən Avtomobil Zavodunda "biznes klass" sinfinə daxil olan avtomobilin kütləvi satışı üçün yığımına başlanacağı açıqlanıb. Bunu "Azərmaş" ASC-nin İdarə Heyətinin sədri Emin Axundov deyib. Onun sözlərinə görə, yeni avtomobilin qiyməti 40 min manatdan başlayacaq: "Bu yaxınlarda "Khazar" avtomobilinin tam yeni modeli olan "Khazar CC"nin təqdimatını keçirəcəyik. Bu biznes sinif modelidir və son növ təchizatlarla təmin olunub. Belə ki, avtomobil  avtomat ötürücü qutusuna malikdir. Artıq 30 ədəd istehsal etdiyimiz "Khazar CC"nin qiyməti modifikasiyasından asılı olaraq 40-45 min manat arasında dəyişəcək. Bazarda rəqiblərimizin təqdim etdiyi eyni komplektasiyalı maşınların qiyməti 56 min manatdan başlayır". "Azərmaş" rəhbəri əlavə edib ki, yeni avtomobil Çinin bir sıra avtomobil istehsalçıları ilə birgə hazırlanır.

2020-ci ilin aprelində Əmək və Əhalinin Sosial Müdafiəsi Nazirliyi (ƏƏSMN) Neftçala Sənaye Məhəlləsində fəaliyyət göstərən “Azərmaş” MMC-dən 164 ədəd “Khazar LX” markalı minik avtomobili alacağı bildirilib. Nazirliyin buna görə 1 999 980 manat ödəniş edəcəyi deyilib. Hər avtomobilin quruma 12 195 manata başa gələcəyi məlum olub. ƏƏSMN-in mətbuat xidmətinin rəhbəri Fazil Talıblı bildirib ki, avtomobillər ölkə prezidentinin ayırdığı vəsait hesabına alınır. Onlar Qarabağ müharibəsi əlillərinə və onlara bərabər tutulan şəxslərə təqdim ediləcək.

2021-ci ildə İranın Azərbaycandakı səfiri Seyid Abbas Musəvi İran ilə Azərbaycan minik avtomobili, avtobus və traktor istehsalı sahəsində birgə əməkdaşlıq etmək niyyətində olduqlarını bildirib: “Azərbaycan Prezidentinin “İran Khodro” ilə “Azərmaş”ın müştərək layihəsi olan “Khazar” ilə bağlı sərəncamından sonra iki qonşu müsəlman ölkənin yaxın gündəmində habelə avtobus və traktor istehsalı da var”.

Eyni zamanda Ravon və QAZ şirkətləri ilə tərəfdaşlıq mövcuddur.

Fevralın 9-da Hacıqabul Sənaye Məhəlləsində Azərbaycan və Rusiyanın birgə layihə üzrə kommersiya və xüsusi təyinatlı avtomobillərin istehsalı zavodunun təməli qoyulmuşdur. Təməlqoyma mərasimində Azərbaycanın iqtisadiyyat naziri Şahin Mustafayev, Rusiyanın iqtisadi inkişaf naziri Maksim Oreşkin və "Azərmaş" ASC-nin idarə heyətinin sədri Emin Axundov iştirak etmişdir.

Kommersiya və xüsusi təyinatlı avtomobillərin istehsalı zavodu "Azərmaş" ilə Rusiyanın "Qaz Qrup" şirkətinin birgə layihəsidir. Zavodda kiçik tonnajlı avtomobillərin istehsalı nəzərdə tutulur. Layihənin investisiya dəyəri 14 milyon manat təşkil edir. İlkin mərhələdə zavodda 100 nəfər işlə təmin olunması nəzərdə tutulurdu.

Zavodun illik istehsal gücü 1000 avtomobil təşkil edir. Tikinti işləri 2021-ci ildə başa çatdırılıb. Zavodda "Qazel", "Qazel Biznes", "Qazel Next" avtomobillərin modelləri və xüsusi təyinatlı texnika istehsal edilir.

17 sentyabr 2021- ci ildə Hacıqabul Sənaye Məhəlləsinin rezidenti “Azərmaş Park” MMC-nin avtomobil istehsalı zavodunda minik avtomobilləri və sərnişin avtobuslarının istehsalı üzrə yeni xətt istifadəyə verilib.

Bu xətt üzrə “Azərmaş Park”ın Özbəkistanın “UzAvtoSanoat” Səhmdar Cəmiyyəti ilə birgə layihəsi olan və “General Motors” (ABŞ) şirkətindən əldə olunan razılıq əsasında “Chevrolet” markalı minik avtomobillərinin və Yaponiyanın “İSUZU” brendinin avtobusları və pikapları istehsal edilir.

2024-cü ildə A. R. Əmək və Əhalinin Sosial Müdafiəsi Nazirliyi tabeliyində (DTSERA) keçirdiyi tender müsabiqəsinin qalibi “Azərmaş Park” MMC (VÖEN – 1404629451) olub. DTSERA-nın MMC-dən 3 ədəd sərnişindaşıma avtomobili (avtobus) satın alacağı məlum olub. Məlumata əsasən, Agentlik avtomobillərin satın alınmasına görə “Azərmaş Park” MMC-yə 828 min 360 manat ödəyəcək. Açıqlanan məlumatlardan belə aydın olub ki, avtomobilin bir ədədinin qiyməti 276 min 120 manatdır.

Fevralın 9-da Hacıqabul Sənaye Məhəlləsində Azərbaycan və Rusiyanın birgə layihə üzrə kommersiya və xüsusi təyinatlı avtomobillərin istehsalı zavodunun təməli qoyulmuşdur. Təməlqoyma mərasimində Azərbaycanın iqtisadiyyat naziri Şahin Mustafayev, Rusiyanın iqtisadi inkişaf naziri Maksim Oreşkin və "Azərmaş" ASC-nin idarə heyətinin sədri Emin Axundov iştirak etmişdir.

Kommersiya və xüsusi təyinatlı avtomobillərin istehsalı zavodu "Azərmaş" ilə Rusiyanın "Qaz Qrup" şirkətinin birgə layihəsidir. Zavodda kiçik tonnajlı avtomobillərin istehsalı nəzərdə tutulur. Layihənin investisiya dəyəri 14 milyon manat təşkil edir. İlkin mərhələdə zavodda 100 nəfər işlə təmin olunması nəzərdə tutulur.

Zavodun illik istehsal gücü 1000 avtomobil təşkil edir. Tikinti işləri 2021-ci ildə başa çatdırılib. Zavodda "Qazel", "Qazel Biznes", "Qazel Next" avtomobillərin modelləri və xüsusi təyinatlı texnika istehsal edilir.

17 Sentyabr , 2021- ci ildə Hacıqabul Sənaye Məhəlləsinin rezidenti “Azərmaş Park” MMC-nin avtomobil istehsalı zavodunda minik avtomobilləri və sərnişin avtobuslarının istehsalı üzrə yeni xətt istifadəyə verilib.

Bu xətt üzrə “Azərmaş Park”ın Özbəkistanın “UzAvtoSanoat” Səhmdar Cəmiyyəti ilə birgə layihəsi olan və “General Motors” (ABŞ) şirkətindən əldə olunan razılıq əsasında “Chevrolet” markalı minik avtomobillərinin və Yaponiyanın “İSUZU” brendinin avtobusları və pikapları istehsal edilir.

1 may 2023-cü ildə İqtisadiyyat Nazirliyinin İqtisadi Zonaların İnkişafı Agentliyinin tabeliyində olan Hacıqabul Sənaye Məhəlləsində avtomobil istehsalının boyaq, qaynaq və yığım mərhələsinin lokallaşdırılması zavodunun təməli qoyulub.

Azərmaş CP Məhdud Məsuliyyətli Cəmiyyətinin Özbəkistanın "Uzavtosanoat" Səhmdar Cəmiyyətinin dəstəyi ilə reallaşdıracağı layihənin investisiya dəyəri 88 milyon manatdır.

Müəssisə tam olaraq "Azərmaş CP" MMC tərəfindən maliyyələşdirilir. ABŞ, İtaliya, Çin, Koreya və Özbəkistan texnologiyaları əsasında fəaliyyət göstərəcək zavodun illik istehsal gücünün 30 min ədəd avtomobil olacağı nəzərdə tutulur. İstehsal xəttinin 2025-ci ildə açılması planlaşdırılır. Müəssisədə 1200-dən çox iş yeri yaradılacaq. İstehsal olunacaq avtomobillər daxili bazarla yanaşı, xarici bazarlara çıxarılacaq.

• Dena-Khazar
• Peugeot-Khazar
• Samand-Khazar
• Raeton-Khazar CC
• Gazel Next
• Gazelle Business
• Isuzu NP 37
• Isuzu D-Max V-Cross
• Chevrolet Damas
• Labo
• Lacetti
• Tracker
• Malibu
• VGV U75 Plus

• Gəncə Avtomobil Zavodu
• AzSamand
• Naxçıvan Avtomobil Zavodu
• BakAZ-3219