Azərbaycan Beynəlxalq Müdafiə Sərgisi və ya "ADEX" — regionda müdafiə sənayesi və daxili təhlükəsizliyə həsr olunmuş və iştirakçılara həm Azərbaycanın hərbi rəhbərliyi, həm də qlobal hərbi-müdafiə ictimaiyyəti ilə görüşlər keçirmək üçün unikal imkan yaradan tədbirdir.ADEX sərgisi Azərbaycan Respublikası Müdafiə Sənayesi Nazirliyinin təşəbbüsü və Azərbaycan Respublikası Müdafiə Nazirliyinin dəstəyi ilə keçirilir. Sərginin təşkilatçısı "Caspian Event Organisers" şirkətidir.
| ADEX | |
|---|---|
| ing. Azerbaijan International Defence Exhibition | |
 | |
| Status | aktiv |
| Janr | sərgi |
| Məkan | Bakı Ekspo Mərkəzi |
| Yer | Bakı |
| Ölkə |
 Azərbaycan
|
| Yaradılıb | 2014-cü il |
| Ən sonuncu | 2018-ci il |
| Növbəti | 6-8 sentyabr, 2022-ci il |
| Təşkilatçı | Caspian Event Organisers |
| Dəstək | Müdafiə Sənayesi Nazirliyi, Müdafiə Nazirliyi |
Məqsəd
"ADEX" sərgisi məhsullarınızı birbaşa alıcılar, sifarişçi firmalar, nüfuzlu tövsiyə mənbələri və son istehlakçılar vasitəsi ilə sata biləcəyiniz meydança olmaqla yanaşı, dəniz, hava və quru qoşunları üçün nəzərdə tutulmuş məhsulların, eləcə də milli təhlükəsizlik (Homeland Security) məhsullarının təqdim edilməsi üçün ideal platformadır. Həmçinin "ADEX" sərgisi sektorun iştirakçıları, ziyarətçiləri və ekspertləri arasında təcrübə mübadiləsinə, o cümlədən məhsulların regional müdafiə sənayesi bazarının tələblərinə uyğun olaraq modernləşdirilməsinə şərait yaradır.
Sərgi bölmələri
- Təyyarə və aviasiya sistemləri
- Dəniz gəmiləri və hərbi dəniz sistemləri
- Zirehli döyüş nəqliyyat vasitələri
- Radioelektron sistemlər, C4ISR
- Optik-elektron avadanlıq və sistemlər
- Pilotsuz sistemlər
- Hərbi geyim və ləvazimatlar
- Silah və sursat
- Simulyatorlar və təlim sistemləri
- Radiasiya, kimyəvi və bioloji müdafiə (RKB)
- Loqistika. Tibbi ləvazimatlar. Mühəndislik sistem və qurğuları
- Silah istehsalı üçün avadanlıqlar
- Hərbi təşkilatlar
- İxracın təşviqi ilə məşğul olan müəssisələr
- Müdafiə və təhlükəsizlik üzrə konsaltinq
- Loqistika xidmətləri
- Assosiasiyalar
- Hərbi təhsil müəssisələri
- Tədqiqat institutları
- Hərbi laboratoriyalar
- Silahların utilizasiyası üzrə vasitə və texnologiyalar
Tədbirlər
Azərbaycan Respublikasının Prezidenti, Ali Baş Komandan İlham Əliyev "ADEX" sərgilərinin daimi ziyarətçisidir. Azərbaycan Beynəlxalq Müdafiə Sərgisi ilk dəfə 2014-cü ildə keçirilib. Sərgidə 33 ölkədən 170-dən artıq şirkət iştirak etmişdir. Müasir silah və texnikaların nümayişi, Müdafiə Sənayesi Bakı Ekspo Mərkəzində təşkil olunmuşdur.
2016-cı ildə ADEX sərgisində dünyanın 34 ölkəsini təmsil edən 216 şirkət, 19 ölkədən 25 rəsmi nümayəndə heyəti iştirak etmişdir. İştirakçıların coğrafiyası Latviya, Monteneqro, Xorvatiya, Çex Respublikası və Estoniya kimi ölkələrin hesabına genişlənib. Ümumilikdə, ziyarətçi şirkət və qurumlarla birlikdə sərginin coğrafiyası 44 ölkəni əhatə etmişdir.
Qalereya
İstinadlar
- . president.az. 2022-07-15 tarixində . İstifadə tarixi: 15 iyul 2022.
- . ordu.az. 2021-12-17 tarixində . İstifadə tarixi: 15 iyul 2022.
- . Trend.Az (ingilis). 17 dekabr 2021. 2022-07-15 tarixində . İstifadə tarixi: 15 iyul 2022.
- . AZƏRBAYCAN RESPUBLİKASI MÜDAFİƏ NAZİRLİYİ (az.). mod.gov.az. 2022-07-15 tarixində . İstifadə tarixi: 15 iyul 2022.
- . mdi.gov.az. 2023-06-29 tarixində . İstifadə tarixi: 15 iyul 2022.
- (az.). president.az. 2022-07-15 tarixində . İstifadə tarixi: 15 iyul 2022.
Xarici keçidlər
- — Azərbaycan Beynəlxalq Müdafiə Sərgisinin rəsmi saytı