Azərbaycan Şəhid Mədəni Universiteti (fars. دانشگاه شهید مدنی آذربایجان) — Şərqi Azərbaycan ostanının Təbriz şəhərində yerləşən universitet. 1987-ci ildə yaradılmış bu universitet daha çox sadəcə Azərbaycan Universiteti adlandırılır.
| Azərbaycan Şəhid Mədani Universiteti AŞMU | |
|---|---|
| دانشگاه شهید مدنی آذربایجان | |
 | |
 | |
| 37°48′44″ şm. e. 45°56′56″ ş. u. | |
| Əvvəlki adları |
Təbriz Tərbiyət Müəllim Universiteti Azərbaycan Tərbiyət Müəllim Universiteti |
| Əsası qoyulub | 1987 |
| Tip | Dövlət universiteti |
| Rektor | |
| Tələbə sayı | 7500 |
| Müəllim sayı | 237 |
| Şəhər | Təbriz |
| Ölkə | |
| Ünvan | Təbriz-Azərşəhr yolunun 35-ci km-i |
| Sayt | |
 Vikianbarda əlaqəli mediafayllar | |
Bakalavr və magistr dərəcələrində ümumilikdə 7500 nəfər tələbə təhsil alır. Universitetdə əsasən mühəndislik, təməl elm sahələri, ədəbiyyat və teologiya tədris edilir.
"Research Gate"nin son reytinq cədvəlində görə 1716,47 bal toplamışdır.
Tarixi
Bu universitet 1987-ci ildə Təbrizdəki filialı kimi yaradılmışdı. Bu Tehrandakı pedoqoji universitetin Təbrizdə filialını yaratmaqda məqsəd İran İslam Respublikasının təhsil siyasətinin lisey və texniki məktəblərə tədbiqinə yardım etmək olmuşdur.
1988-ci ildə universitet Təbriz Tərbiyət Müəllim Universiteti adı altında müstəqil universitet oldu. Bir müddət sonra universitetin adı Azərbaycan Tərbiyət Müəllim Universiteti olaraq dəyişdirildi. 2012-ci ildə İranın təhsil siyasətinin dəyişməsi nəticəsində universitetin təhsil təyinatı da dəyişdirildi və o, ümumi təhsil verən universitetə çevrildi. Bundan sonra universitetin adı Azərbaycan Şəhid Mədani Universiteti olaraq dəyişdirildi. Şəhid Mədani Azərşəhrdən (Tufarqan) olan din xadimidir və İran İslam İnqilabı zamanı öldürülmüşdür.
Hal-hazırda universitet inkişaf etməkdədir və universitet rəhbərliyinin planlarına əsasən bu universitet yaxın müddət ərzində İranın ən yaxşı təhsil və araşdırma mərkəzlərindən birinə çevrilməlidir.
Azərbaycan Şəhid Mədani Universiteti Şimal-qərbi İranda ən yaxşı universitetlərdən biri hesab edilir.
Fakültələr
- Mühəndislik
- Ədəbiyyat və insan elmləri
- Təməl elmlər
- Teologiya və İslam elmləri
- İnformatika
- Psixologiya və metodika
- Kənd təsərrüfatı
Kampuslar
Əsas kampus Təbriz kənarında, Təbriz-Marağa yolunda, Azərşəhr və Mamağan yaxınlığında, Təbrizdən 35 km məsafədə yerləşir. Adminstrativ hissə, fakültələr, tələbə yataqxanalarının əksəriyyəti, labaratoriyalar, emalatxanalar və amfiteatrlar əsas kampusda yerləşir. Əsas kampus həmçinin, qatar stansiyasına, 3 restorana, çörəkçiyə, sağlamlıq mərkəzinə və ticarət mərkəzinə malikdir.
Təbriz kampusu Təbriz yaxınlığındakı Dampezeşki adlanan yerdə yerləşir. 2013-cü ildə yaradılan bu kampusda əsasən bakalavr pilləsindən yuxarı pillələrdə təhsil alan elm adamları fəaliyyət göstərirlər. Bu kampusda magistr səviyyəsində tədris edilən sahələr:
- Analitik kimya
- Nəzəri fizika
- Struktur mühəndisliyi
- Elektrik enerjisi mühəndisliyi
- Riyaziyyat
Doktorantura səviyyəsində tədris edilən sahələr:
- Analitik kimya
- Atom və molekulyar fizika
Təbriz kampusunda həmçinin Virtual və distant təhsil mərkəzi də fəaliyyət göstərir. Universitetin yay və qısa kursları da bu kampusda tədris edilir.
Tələbə cəmiyyətləri
Universitetin akademik, idman və digər sahələrdə fəaliyyət göstərən tələbə assosiasiyası və cəmiyyətləri vardır:
- Tələbə Materialları Assosiasiyası
- Poeziya və Ədəbiyyat Assosiasiyası
- Musiqi Assosiasiyası
- Fotoqrafiya və Fim Assosiasiyası
- Qırmızı Aypara Assosiasiyası
- Xeyriyyə Assosiasiyası
- Mühəndislik Akademik Cəmiyyəti
- Ədəbiyyat Akademik Cəmiyyəti
- Fizika Akademik Cəmiyyəti
- Təməl Elmlər Akademik Cəmiyyəti
- Botanika Akademik Cəmiyyəti
Beynəlxalq əlaqələr
Azərbaycan Şəhid Mədani Universitetinin Orta Şərqdə, Avropada və Asiyada bir çox universitet və inistitutlarla əməkdaşlıq və mübadilə proqramları vardır. Onlardan bəziləri bunlardır:
- (Yaponiya)
- Xəzər Universiteti (Azərbaycan)
- Qəbzə Texniki Universiteti (Türkiyə)
- (Türkiyə)
- (Türkiyə)
- (İtaliya)
Nəqliyyat
Tehran-Təbriz dəmiryolu xəttinin universitet ərazisindən keçməsinə görə Azərbaycan Şəhid Mədani Universiteti İranda özünün dəmiryolu stansiyası olan yeganə universitetdir. Həmçinin universitetə məxsus olan tramvay hər iş günündə 4 dəfə Təbriz və universitet arasında gediş-gəliş edir. 2016-cı ilin aprel ayında bu tramvaya yeni vaqonlar da qoşulmuşdur.
Həmçinin bax
İstinadlar
- The world universityrankings. (İngilis dili). www.timeshighereducation.com. 2012. 2022-06-18 tarixində . İstifadə tarixi: 2018-12-18.
- Researchgate. (İngilis dili). www.researchgate.net. 2012. 2017-12-22 tarixində . İstifadə tarixi: 2018-12-18.
- UniRank. (İngilis dili). www.4icu.org. 2013. 2022-03-03 tarixində . İstifadə tarixi: 2018-12-18.
- . ResearchGate. 2022-09-01 tarixində . İstifadə tarixi: 2017-12-20.
- Azarbaijan Shahid Madani University. (İngilis dili). 2017-07-10 tarixində . İstifadə tarixi: 2018-12-18.
- . (PDF) (İngilis dili). www.kanazawa-u.ac.jp. 2016. 2021-05-06 tarixində (PDF). İstifadə tarixi: 2018-12-18.
- Xəzər Universiteti. (Azərbaycan dili). www.khazar.org. 2016 aprel. 2016-10-09 tarixində arxivləşdirilib. İstifadə tarixi: 2018-12-18.
- Qəbzə Universiteti. (PDF) (İngilis dili). www.gtu.edu.tr. 2016 aprel. 2022-03-19 tarixində (PDF). İstifadə tarixi: 2018-12-18.
- . (Türk dili). iro.siirt.edu.tr. 2018. 2022-03-31 tarixində . İstifadə tarixi: 2018-12-18.
- Azərbaycan Şəhid Mədani Universiteti. (Fars dili). www.azaruniv.ac.ir. 2017. 2022-03-31 tarixində . İstifadə tarixi: 2018-12-18.
- BBCA İnistitutu. (İngilis dili). www.bbcaonlus.org. 2017. 2023-06-29 tarixində . İstifadə tarixi: 2018-12-18.