18 aprel 2024-cü ildə Bakıdaya gəlmiş Yeni Kaledoniya deputatlarının iştirakı ilə "Yeni Kaledoniya: Tarix, müasir çağırışlar və gözlənilən gələcək" mövzusunda konfrans keçirilmiş,Milli Məclis ilə arasında əməkdaşlıq haqqında memorandum imzalanmışdır. Sənəd Milli Məclisin sədri Sahibə Qafarova və Yeni Kaledoniya Konqresinin üzvü tərəfindən imzalanmışdır. Sənəddə dostluq əlaqələrinin gücləndirilməsi və deputatlardan ibarət müvafiq qrupun yaradılması kimi məsələlər nəzərdə tutulmuş, Milli Məclisin Aparatı ilə Yeni Kaledoniya Konqresinin Bürosu arasında daimi əlaqələrin yaradılmasına qərar verilmişdir.

19 oktyabr 2024-cü ildə Yeni Kaledoniya Konqresinin prezidenti əməkdaşlıq memorandumunu ləğv etmişdir.

Azərbaycanın Fransanın dənizaşırı ərazilərinə müstəqillik verilməsinə dəstək verməsi səbəbilə Yeni Kaledoniyada müstəqillik uğrunda keçirilən aksiyalarda Azərbaycan bayrağının dalğalanılması hallarına rast gəlinir. 21 oktyabr 2023-cü ildə Milli Məclisdə baş katibinin müavini David Vanabo daxil olmaqla Yeni Kaledoniya nümayəndə heyəti arasında görüş keçirilmişdir. Milli Məclisin deputatı Azər Kərimli Azərbaycanın Yeni Kaledoniya xalqının müstəqillik uğrunda mübarizəsini dəstəklədiyini bildirmişdir. Yeni Kaledoniyanın Azərbaycanın Yeni Kaledoniya xalqına fransız müstəmləkəçiliyinə qarşı mübarizəsində göstərdiyi dəstəyi vurğulamışdır.

Fransa daxili işlər naziri Azərbaycanı 2024-cü ilin mayında Yeni Kaledoniyada başlamış iğtişaşlara müdaxilə etməklə ittiham etmişdir. Azərbaycan tərəfi bu ittihamı "əsassız" adlandıraraq rədd etmişdir.

Yeni Kaledoniyaya gedən ümumi pasportlara, həmçinin xidməti və xüsusi pasportlara malik Azərbaycan vətəndaşları üçün viza tələb edilir. Diplomatik pasportlar üçün 3 aya qədər viza tələb edilmir.