Azərbaycan–Tatarıstan münasibətləri — Azərbaycan Respublikası ilə Rusiya Federasiyasının Tatarıstan Respublikası arasındakı mövcud ikitərəfli əlaqələr. Bu əlaqələr həm də Azərbaycan–Rusiya münasibətlərinin tərkib hissəsidir.
| Azərbaycan-Tatarıstan münasibətləri | |||||
|---|---|---|---|---|---|
|
|||||
Tarixi
Hər iki respublikanın ərazisi bir müddət Rusiya imperiyasının tərkibində idi. Daha sonra isə Azərbaycan müttəfiq respublika kimi, Tatarıstan isə Rusiyanın subyekti kimi SSRİ-nin tərkibində olmuşlar. Elə həmin dövrdə də onlar arasında iqtisadi və mədəni əlaqələr formalaşmışdır. SSRİ dağıldıqdan, postsovet məkanında müstəqil dövlətlər yarandıqdan sonra bu münasibətlər daha da inkişaf etməyə başlamışdır. Hazırda Azərbaycan müstəqil dövlət kimi Rusiyanın subyekti olan Tatarıstanla bir sıra mədəni, təhsil və s. əlaqələrə malikdir.
Azərbaycan Respublikasının Prezidentinin 25 avqust 2005-ci il tarixli Sərəncamı ilə Azərbaycan Respublikası ilə Tatarıstan Respublikası arasında ticarət-iqtisadi, elmi-texniki və mədəni əməkdaşlıq üzrə Birgə Hökumətlərarası Komissiyanın Azərbaycan Respublikası tərəfindən tərkibi təsdiq edilmişdir.
Diplomatik əlaqələr
Azərbaycanla Tatarıstan arasında ən yüksək səviyyələrdə məktub mübadiləsi həyata keçirilir.
Tatarıstan Respublikası Azərbaycan Respublikasındakı Nümayəndəliyinin rəhbəri .
Beynəlxalq görüşlər
Tatarıstan Dağlıq Qarabağ münaqişəsinin dinc yolla nizamlanması ilə bağlı bir sıra rəsmi görüşlərə ev sahibliyi etmişdir. Azərbaycan Prezidenti İlham Əliyev Ermənistan prezidentlərindən Robert Köçəryanla 27 avqust 2005-ci ildə, Serj Sarkisyanla isə 24 iyun 2011-ci ildə Kazanda görüşmüşdür.
Diaspor
Tatarıstan azərbaycanlıları
Kazanda "Ümumrusiya Azərbaycanlılar Konqresi" İctimai Təşkilatının Tatarıstan regional bölməsi fəaliyyət göstərirdi. Sədri Sübhan Əhədzadə idi.
Kazanda Tatarıstan Respublikasının "Azərbaycan Milli-Mədəni Muxtariyyəti" Regional-İctimai Təşkilatı fəaliyyət göstərir. Sədri Sübhan Əhədzadədir.
Azərbaycan tatarları
Azərbaycan Respublikasında 2009-cu il siyahıya alınmasına görə Azərbaycanda 25 882 nəfər tatar yaşayır ki, bu da ümumi əhalinin 0,29 % təşkil edir.
Onların Bakıda "Tuqan Tel" və "Yaşlek" adlı cəmiyyətləri fəaliyyət göstərir.
İqtisadi əlaqələr
1992-ci il sentyabrın 23-də Azərbaycan Respublikası ilə Rusiya Federasiyasının Tatarıstan Respublikası arasında imzalanmış Ticarət-iqtisadi əməkdaşlıq prinsipləri haqqında saziş imzalanmışdır. Həmin sazişin 7-ci maddəsinə uyğun olaraq Azərbaycan Respublikasının Milli Məclisi 21 oktyabr 1992-ci ildə qərara almışdır ki, Rusiya Federasiyasının Tatarıstan Respublikasının Kazan şəhərində Azərbaycan Respublikasının Ticarət Nümayəndəliyi açılsın.
Mədəni əlaqələr
Tatarıstan nəşriyyatları 28-30 sentyabr 2017-ci tarixlərində Azərbaycanda keçirilmiş V Bakı Beynəlxalq Kitab Sərgi-Yarmarkasında iştirak etmişlər.
İdman sahəsində əməkdaşlıq
Azərbaycan Respublikasının idmançıları 2013-cü ildə Tatarıstan Respublikasının paytaxtı Kazan şəhərində keçirilən Tələbələrin XXVII Ümumdünya Yay Universiadasında iştirak etmiş və yüksək nəticələr göstərmişlər
Həmçinin bax
İstinadlar
- 2018-06-05 at the Wayback Machine Azərbaycan Respublikasının Prezidentinin 25 avqust 2005-ci il tarixli, 977 nömrəli Sərəncamı. e-qanun.az (az.)
- 2023-06-30 at the Wayback Machine. president.az, 07.12.2015 (az.)
- 2023-06-30 at the Wayback Machine. president.az, 18.09.2015 (az.)
- 2017-08-06 at the Wayback Machine. milliarxiv.gov.az (az.)
- 2018-12-04 at the Wayback Machine. 01.04.2016 (az.)
- 2017-11-09 at the Wayback Machine. diaspor.gov.az (az.)
- ↑ 2023-06-30 at the Wayback Machine. president.az, 10.04.2016 (az.)
- . 2016-03-27 tarixində arxivləşdirilib. İstifadə tarixi: 2017-09-23.
- ↑ 2023-06-30 at the Wayback Machine Azərbaycan Respublikasının Milli Məclisinin 21 oktyabr 1992-ci il tarixli Qərarı. e-qanun.az (az.)
- 2013-12-05 at the Wayback Machine. president.az, 24.07.2013 (az.)
|
Azərbaycan ilə əlaqədar bu məqalə qaralama halındadır. Məqaləni edərək Vikipediyanı zənginləşdirin. |
|
Tatarıstan ilə əlaqədar bu məqalə qaralama halındadır. Məqaləni edərək Vikipediyanı zənginləşdirin. |