Azər Xəlilov — Telejurnalist. Azad Azərbaycan TV-nin prezidenti(2017-ci ildən), CBC Telekanalının baş direktoru (2013–2017), Azərbaycan Respublikasının əməkdar jurnalisti, 3-cü dərəcəli "Vətənə xidmətə görə" ordeni laureatı.
| Azər Xəlilov | |
|---|---|
| Azər Nəriman oğlu Xəlillov | |
| Doğum tarixi | |
| Doğum yeri | Bakı, Azərbaycan SSR |
| Milliyyəti | azərbaycanlı |
| İxtisası | jurnalistika |
| Təhsili | Moskva Dövlət Universiteti |
| Fəaliyyət illəri | 1990-ci ildən |
| Tanınır | telejurnalist |
| Mükafatları |
 
|
Həyatı
Azər Nəriman oğlu Xəlillov 25 fevral 1959-cu ildə Bakıda doğulub. Paytaxtdakı 134 saylı məktəbdə orta təhsil, Moskva Dövlət Universitetinin Jurnalistika fakültəsində ali təhsil alıb.
İş fəaliyyəti
1990-cı ildən Böyük Britaniyanın nüfuzlu BBC teleradiokompaniyasında işə başlayıb.2001-ci ildən etibarən BBC-Azərbaycan Xidmətinə rəhbərlik edib. Uzun illər Birləşmiş Krallığın paytaxtı Londonda – BBC-nin mərkəzi ofisində, həmçinin Bakıda çalışıb. 2012-ci ildə BBC-dəki işinə son verib. O, həmin il yaradılan "ATV International" televiziyasına rəhbərlik etməyə başlayıb. İki il bu vəzifəni icra etdikdən sonra – 2013–2017-ci illərdə "ATV International"ın bazası əsasında yaradılan CBC (Caspian International Broadcasting Company) telekanalına rəhbərlik edib.
2017-ci ildən ATV telekanalına rəhbərlik edir.
Mükafatları
Prezident İlham Əliyevin 20 iyul 2015-ci ildə imzaladığı "Azərbaycan Respublikasının kütləvi informasiya vasitələri əməkdaşlarına fəxri adların verilməsi haqqında" sərəncamı ilə əməkdar jurnalist fəxri adına layiq görülüb.
2024-cü il 5 martda Prezident İlham Əliyevin Sərəncamı ilə Azərbaycan Respublikasında media sahəsində uzunmüddətli səmərəli fəaliyyətinə görə 3-cü dərəcəli "Vətənə xidmətə görə" ordeni ilə təltif edilib.
Xarici keçidlər
İstinadlar
- (az.). president.az. 20 iyul 2015. 2018-08-17 tarixində . İstifadə tarixi: 2015-07-22.
- Prezident.az. (az.). [www.president.az President.az ]. 05.03.2024. 2024-05-03 tarixində . İstifadə tarixi: 2024-05-03.