Aytən Səfərəliyeva 1983-cü il fevral ayının 2-sində anadan olub. 2000-ci ildə orta məktəb məzunu olub. 2001-ci ildə Bakı Dövlət Universitetinin Jurnalistika fakültəsinə qəbul olub. 2005-ci ildə eyni fakültənin beynəlxalq jurnalistika üzrə magistratura bölməsini bitirib. "Lider" telekanalında yayımlanan "Zəif Bənd" , "Milyonçu" verilişində redaktor vəzifəsində çalışıb. Hazırda Azərbaycan Televiziyasında yayımlanan "Sözün sirri" verilişinin müəllifi, eyni zamanda həmin telekanalda yayımlanan "Çoxbilmişlərdənsinizmi?" verilişinin redaktoru vəzifəsində çalışır. Bir sıra layihələrin müəllifidir .

Fəaliyyəti

Aytən Səfərəliyeva — Jurnalist

Aytən Səfərəliyeva Məmməd qızı 1983-cü il fevral ayının 2-sində Beyləqanda (Azərbaycan) anadan olub. Hümmət təşkilatı, Fəhlə hərəkatının üzvü, inqilabçı Xanlar Səfərəliyevin nəslindəndir.

2000-ci ildə Beyləqan rayon 1 saylı orta məktəbi bitirib.

1999-cu ildə məktəblilər arasında Azərbaycanda keçirilən "Atatürk" adlı ilk elmi-bədii müsabiqənin qalibi olub. Mövzu : "Atatürk - Azərbaycan - Türkiyə tarixi üçün".

2001-ci ildə Bakı Dövlət Universitetinin Jurnalistika fakültəsinə qəbul olub.

2005-ci ildə eyni fakültədə Beynəlxalq Jurnalistika ixtisası üzrə Magistr dərəcəsinə yiyələnib.

2003-2004-cü illərdə "525-ci qəzet"də "Klassik mədəniyyət və tarixi" rubrikası ilə yazıları dərc olunub.

2005-ci ildə Qasım Səfəroğlunun dəvəti ilə Azərbaycanın özəl telekanallarından biri olan Lider TV -yə gəlib. Kanalda yayımlanan "Zəif Bənd" (Weakest link), "Milyonçu" (Mİllionaire) beynəlxalq layihələrdə redaktor kimi fəaliyyət göstərib.

2008-ci ildə "Nar Mobile"ın Yunan həmkarlarla birlikdə "Xüsusi İntellektual layihələr" çərçivəsində reallaşdırılan "NarQuiz" layihəsinin Azərbaycan dilli kontentinin müəllifi olub.

2007-2009-cu ildə Azərbaycan Televiziyasında Müəllif proqramları və xüsusi layihələr departamentində verilişinin layihə rəhbəri və redaktoru olub. Layihə, oğuz dil qrupuna aid türk dillərinin araşdırılması və təbliğinə görə Türkiyənin Azərbaycandakı Səfirliyi tərəfindən mükafatlandırılıb.

Həmçinin Azərbaycan Dövlət Televiziyasında yayımlanan "Çoxbilmişlərdənsinizmi?" verilişinin müəllif / redaktoru olub.

2014-2020-ci ildə Azad Azərbaycan Teleradio və Yayım Şirkətində Xəbərələr departamentində redaktor, efir redaktoru, - Xəbər buraxılışı redaktoru vəzifəsində çalışıb.

2021-ci ildən Ukraynanın Azərbaycandakı Səfirliyinin (Посольство Украины в Азербайджане) Azərbaycan Mediası ilə İş şöbəsinin əməkdaşı, nun mətbuat katibidir.

2021-ci ildən Baku Business Group - International Trade and Development. (Grow With a Reliable Partner) LLC.-də İctimaiyyətlə Əlaqələr sektorunun Sözçüsüdür.