Orxan Hüseyn (İzzət Bağırov) adlı müğənninin həyatından bəhs edən filmdə baş qəhrəman əyalətdən gələn bir oğlandır. Yaxşı insanların dəstəyi ilə o, bir xanım bəstəkarla tanış olur. Südabə (Mehriban Xanlarova) adlı bu xanım həm də konsert təşkilatçısıdır. Orxana hədsiz simpatiyası olan Südabə, istəmədən ona vurulur və hər şey də bundan sonra başlanır. Orxan isə Nərmin (Natəvan Həbibi) adlı bir qızla tanış olur və onun məhəbbətini qazanır. Süjet xətti Orxanı dəlicəsinə sevən Südabənin tapançadan açdığı güllə ilə yekunlaşır. Sevgisini kimsə ilə paylaşmayan əsas qəhrəman dünyadan nakam gedir.

Film 2007-ci ildə təqdim edilməli idi. Ancaq filmin rejissoru və ssenaristi Ağaəli Əliyevin vəfatı premyeranı bir xeyli yubatdı. Ona görə də filmin tamamlanma işlərini rejissor Faiq Kərimoğlu öz üzərinə götürdü.

Ssenari müəllifi: Ağaəli Əliyev
Rejissor: Ağaəli Əliyev, Faiq Kərimoğlu
Operator: Zaur, Tofiq, Rüfət, Asif
Rəssam: Arif İsmayılov
Bəstəkar: Nadir Əzimov, Vüqar Meyxanaçı, Rəşad Bağırov, Zamiq Qasımov
Prodüser: Arzu Məmmədoğlu

İzzət Bağırov — Orxan
Natəvan Həbibi — Nərmin
Mehriban Xanlarova — Südabə
Anar Heybətov — Toğrul
Həsənağa Vəzirov — Azər
Kazım Abdullayev — Nuru
Səidə Quliyeva — Sona xanım

Azərbaycan filmlərinin siyahısı

2000-ci illər Azərbaycan filmlərinin siyahısı