Ayaz Babayev 14 aprel 1994-cü ildə Bakı şəhərində anadan olmuşdur. 1999-cu ildə Telman Abbasov adına 225 nömrəli orta məktəbə getmiş 2010-cu ildə həmin məktəbin məzunu olmuşdur. Uşaqlıqdan musiqiyə həvəsi olan Ayaz Babayev məktəbin əksər tədbirlərində çıxış etmişdir. Fəaliyyətinə 2010-cu ildə onlayn radioda DJ kimi çalışmağa başlayıb. 2012-ci ildə Space tv də yayımlanan "Sehrli pərdə" musiqi yarışmasına baş vuran Ayaz Babayev iki münsifin diqqətinə tuş gəlir Xalq artisti Faiq Ağayev və Əməkdar artist Lalə Məmmədova Ayaz Babayin seçimi Xalq artisti Faiq Ağayev olur. Müsabiqə boyunca Faiq Ağayevdən dərs alan müğənni, vokal dərslərinə başlamaq qərarına gəlir. Faiq Ağayev sayəsində Əməkdar incəsənət xadimi Nailə Mirməmmədli ilə tanış olur 2 il Nailə xanımdan özəl təhsil alır bundan sonra 2013 cü ildə İsveç — Azərbaycan birliyinin keçirdiyi Yay Festivalına qatılır və orada laureat olur. Sosial şəbəkələrdə cover ifalarını paylaşan sənətçi 2014-cü ildə əfsanəvi "Modern Talking" qrupunun "Youre my heart Youre my soul" mahnısını slow versiyada ifa edir və qrup həmin ifanı öz rəsmi facebook hesabında paylaşması nəticəsində 1 gündə yerli medianın gündəminə düşür. Günlərlə yerli mediada adından söz etdirən Ayaz Babayev həmin ifaya klip çəkdirir.

2015-ci ildə əksər xitlərin müəllifi olan Muxtar Abseynovla tanış olan Ayaz Babayev ilk ifası olan Çıx Get mahnısını ona hədiyyə etmiş və beləliklə sənətçinin ilk mahnısı işıq üzü görmüşdür.

2015-ci ildən fotosessiyaları, qısa videoları, ifaları, həyat tərzi və fikirləri ilə sosial şəbəkədəki insanların marağına səbəb olan Ayaz Babayev instagramda tanınmağa və izləyici sayısı artmağa başlayır. Məşhurluğu bu ildən başlayan Ayaz Babayev 2016-cı ildə "Empire Entertainment"-in başlatdığı "The New Voice 2016" müsabiqəsinə qatılır və qalib olur. Sənətçinin ikinci ifası olan Camalımsan mahnısını sevənlərinə kliplə təqdim edir, klipində tərəf müqabili olaraq aktrisa Cəmilə Tağızadəni seçir.

Hər zaman Müdafiə nazirliyinin tədbirlərində iştirak edən sənətçi dəfələrlə MN-nin fəxri fərmanlarına layiq görülmüşdür. 2016-cı ildə həmkarı Pərvanə Talıbzadə ilə turne konsertlər təşkil etmiş bir çox hərbi hissədə konsert proqramı ilə çıxış etmişdir. 2017-ci ildə söz və musiqisi Aygül Əlizadəyə məxsus olan üçüncü ifasını Dəyişmərəmi təqdim edən Ayaz artıq musiqilərini sosial şəbəkələr vasitəsi ilə daha çox insana çatdırır. 2017–2018-ci illərdə bir sıra cover ifaları ilə məşhurlaşan Ayaz Babayev prezident mükafatçısı nəfəs alətləri ustası Emil Bağırovla tanış olur və bir neçə mahnısında ifa edir.

2017 ci ildə Baku Shopping Festivalı çərçivəsində mədəniyyət nazirliyi Ayaz Babayevin xalqa açıq silsilə konsertlərini təşkil edir. Dövlət əhəmiyyətli Baku Shopping Festival-dakı konsertlərinə görə Mədəniyyət nazirliyinin fəxri fərmanını alan Ayaz Babayev eyni ildə Luxury Awards ödül gecəsində ilin gənc müğənnisi adına layiq görülür.

2018 ci ilin əvvəlində Emil Bağırov həmkarı Sura İsgəndərli ilə Ayaz Babayevə duet təklif edir.Tərəflər duet təklifini olumlu qəbul edir və müğənni Ramal İsrafilovun Yaxşı ki, varsan mahnısını fərqli aranjımanda ifa edirlər. Aranjımanını Nihad Məlikovun üstələndiyi klipini Fərman Bəşirlinin çəkdiyi Yaxşı ki varsan mahnısı çox qısa zaman ərzində sevilir. Duet Pİ group tərəfindın "7 Gözəl Awards" da ilin dueti seçilir.a

Həmkarı Sevinc Ağaşirinovanın repertuarından sözləri Samir Quliyevə musiqisi Əhməd Mustafayevə məxsus olan Buyur yanımda əyləş mahnısını ifa edir və ifaçı Shey Ree ilə mahnını feat etmək qərarına gəlir. Duetin klipini yenə Fərman Bəşirli lentə alır. Klipdə Ayaz Babayevin tərəf müqabili isə blogger Leila Land olur. Reper Noton M Kalibre ilə bir araya gələn Ayaz Babayev həmkarı Nihad Məlikovla birgə üçlü feat edir. Sözləri Noton M Kalibre musiqisi Nihad Məlikov və Noton M Kalibreyə məxsus olan trackın klipi Elektra events halldakı konsertləri əsnasında Fərman Bəşirli lentə alır.

2018-ci ildə Ayaz Babayevi tamaşaçılar aparıcı kimi Lider Tv də yayımlanan Fortuna proqramında görür. Proqrama aparıcılıq edən Ayaz Babayev aparıcı kimi də rəğbət qazanır.

Müğənni bir muddət sonra Mələk kimi ifasını təqdim edir. Mahnının klipində yenə blogger Leila Land rol alır, bu dəfə həyat yoldaşı model İgo Guseinov ilə obyektiv qarşısına keçən cütlük sevgi dolu həyatlarını klipə yansıdırlar. Sözləri və musiqi Noton M Kalibre və Nihad Məlikovun yazdığı Mələk kimi mahnısı qısa vaxt ərzində sevilməyə başlayır, həmin ildə əksər cütlüklərin sevgi himninə çevirilən mahnı bu gündə aktuallığını qorumağa davam edir.

2019-cu ildə şəxsi hitləri ilə yanaşı oxunulmuş mahnılara yeni nəfəs verən Ayaz, ifaları arasına müəllifi Nezih Üçlerin olduğu Berkayın Gülüm mahnısı da daxil edir. Ardınca ifaçı sevilən sənətçi Rəşad İlyasovun repertuarına müraciət edir. Sözləri Azər Şirinə musiqisi Elçin Cəfərova məxsus olan Xəstəsi oldum adlı mahnı Ayaz Babayevin ifaları sırasına daxil olur və sevilən ifalarında öz yerini alır. Hal hazırda ifaçının vizit kartı sayılan Möcüzə mahnısı üçün studiyaya girir. Söz və musiqisi Noton M Kalibre məxsus olan mahnının klipini yenə Fərman Bəşirli lentə alır. Ərsəyə gələn klipdə baş rolları influncer Sabi Orudjeva və həyat yoldaşı hair master Orhan Özdoka həvalə olunur. Klipin nikah səhnələrində başqa tanınmış bloggerlərdə səhnə alır. Mahnın aranjımanı Yuzbek Zagirova, Skripka partiyaları isə yenə Həmid Əmirəliyevə məxsusdur. 2020-ci ildə Braun markasının siması olur.

2020-ci ildə pandemiya səbəbi ilə sənətində durğunluq yaransada Ayaz Babayev bu ilə 2 ifa çıxardır. Ayaz Babayev sənət yoldaşları Hiss, Noton M Kalibre və Aslıxanla birgə Təki sən istə mahnısını təqdim edir. Mahnının müəllifi Aslıxan və Noton M Kalibre aranjımanı Yüzbek Zagirova məxsusdur.

2020-ci ildə imtahan serialında rol alan Ayaz Babayev bu rolu ilə tamaşaçıların qəlbinə yenə aktyor kimi yol tapır. Uğur gətirən serialda bir neçə bölüm sonrası serial final ilə sevənləri ilə sağollaşır. Serialın final bölümündə tamaşaçıların ilk bölümdən arzuladığı məqamda Ayaz Babayevin Möcüzə mahnısı serialın soundtrackları sırasına daxil olur. Karantin zamanı efirlərə nisbətən daha çox çıxan Ayaz Babayev 2020-nin yayında Qəlbim sənin evin mahnısını təqdim edir. 2020-ci ilin yayında müəllifi Noton M Kalibre olan, aranjımanı Yuzbek Zagirova klipini Fərman Bəşirlinin üstələndiyi "Sən mənlə" adlı layihəsini hazırlayır. Klipdə ifaçı blogger Apruza Aliyeva ilə baş rolları canlandırır. Klipdə bir sıra instagram fenomenləri də rol alır.

2021-ci ildə Qızıl Kəpənək mükafatına (türk. Altın Kelebek) namizəd olmuşdur.

Sinqlları

Kliplər

1. Camalımsan
2. Dəyişmərəm
3. Yaxşı ki varsan (feat Sura İsgəndərli)
4. Buyur yanımda əyləş (feat Shey Ree)
5. Dəli oluram (feat Noton x Nihad Melikov)
6. Sevgililər günü (feat Nihad Melikov)
7. Mələk kimi
8. Möcüzə
9. Təki sən istə (feat Hiss x Aslıxan x Noton)
10. Qəlbim sənin evin
11. Sən mənlə
12. Nə üçün belə (feat Aslıxan)
13. Cheesecake
14. Xəyallar fəsili
15. Ay tənli qadın
16. Kino

Duetlər

1. Sura İsgəndərli
2. Shey Ree
3. Noton
4. Hiss
5. Aslixan
6. Nihad Məlikov

• Selected People Awards (2019) — ilin gənc müğənnisi
• Azerbaijan Best Awards (2019) — İlin Kişi pop ifaçısı
• Golden Names Awards (2019) — İlin gənc ifaçısı
• Trend of the Year (2019)
• Star Awards "The Best Singer" (2019)
• The Best of All (2019) — Ən yaxşı kişi pop musiqi ifaçısı
• Türkiye gençlik ödülleri (2019)
• Trend of the Year (2021)
• Qızıl Kəpənək mükafatı (türk. Altın Kelebek) - "Azərbaycanın parlayan gənc ulduzu" namizədi.

• Sən mənlə (mahnı)