Avtoklav ( avto…+lat. clavis-açar) – 1) texnikada atmosfer təzyiqindən yüksək təzyiqdə və qızdırmaqla müxtəlif prosesin aparılması üçün aparat.

• Avtoklav boyaq maddələrinin istehsalında, sintez prosesləri, rezin məmulatların vulkanlaşdırılması, konservlərin sterilləşdirilməsi, həmçinin tikinti materialları sənayesi, hidrometallurgiya və s. sahələrdə işlədilir.
• Tibdə sarğı materiallarını, alətləri, eləcə də mikroorqanizmlər yetişdirmək üçün qida mühitini, infeksiya düşən materialları,operasiya xələtlərini və s. təzyiqlə sterilizə edən aparat.