Avstraliya 1991-ci ildə Qazaxıstanın müstəqilliyini tanıyan Yeni Zelandiyadan sonra ikinci Okeaniya ölkəsidir. Qazaxıstanda Avstraliya səfirliyi 1995-ci ildə Almatı şəhərində açılsa da, büdcə məhdudiyyətləri üzündən 1999-cu ildə məcbur bağlandı. Qazaxıstanın Avstraliyadakı səfiri Sinqapurda yaşayır. 2015-ci ildə Qazaxıstan Sidney şəhərində baş konsulluq açdı.

Avstraliya ilə Qazaxıstan arasında bir sıra yüksək səviyyəli səfərlər baş tutmuşdur. Qazaxıstanın keçmiş baş naziri 1993-cü ildə Avstraliyanı ziyarət etmişdir. Avstraliya general-qubernatoru 1994-cü ildə Qazaxıstana səfər etmişdir, Qazaxıstan Prezidenti Nursultan Nazarbayev isə 1996-cı ildə Avstraliyanı ziyarət etdi.

2010-cu ildə Avstraliya Xarici İşlər Naziri Avropada Təhlükəsizlik və Əməkdaşlıq Təşkilatının sammitində iştirak etmək üçün Astana şəhərinə səfər etdi, həmin dövrdə Qazaxıstan təşkilata rəhbərlik edirdi. Xarici İşlər Naziri Radd 2011-ci ilin iyun ayında İslam Əməkdaşlıq Təşkilatının Xarici İşlər Nazirinin Astana şəhərində keçirilən görüşündə iştirak etmək üçün yenidən Qazaxıstana səfər etdi.

Qazaxıstan Mərkəzi Asiyada Avstraliyanın aparıcı ticarət tərəfdaşıdır. Hər iki ölkə iqtisadi və ticarət əməkdaşlığı haqqında müqavilə imzaladı, 2 iyun 2004-cü ildə isə o, təsdiq olundu. İki ölkə arasındakı ticarət əlaqələri cüzidir.