Asiya İnfrastruktur İnvestisiya Bankı (ing. Asian Infrastructure Investment Bank) — Çin hökumətinin təşəbbüsü ilə yaradılmış . Mənzil-qərargahı Çin Xalq Respublikasının Pekin şəhərində yerləşir.
Tarixi
Bankın yaradılması ilə bağlı ilk sənəd 24 oktyabr 2014-cü ildə imzalanmışdır. Həmin gün Asiya qitəsinin 21 ölkəsi bu nəhəng investisiya bankının yaradılması məqsədilə memorandum imzalayıblar.
"Maddələr Sazişi"
Bankın əsas təsis sənədi olan "Maddələr Sazişi"dir.
2015-ci ilin 27-28 aprel tarixlərində Pekin şəhərində və 20-22 may tarixlərində Sinqapurda gələcək təsisçi üzvlərinin nümayəndələrinin müvafiq olaraq keçirilmiş 4-cü və 5-ci iclaslarında yekdilliklə razılaşdırılmış "Maddələr Sazişi"i 29 iyun 2015-ci il tarixində Pekində təsisçi üzv statusuna malik olan 57 ölkədən 50-si tərəfindən imzalanmışdır.
Nizamnamə kapitalı
Əsasən Asiya regionunda infrastrukturun inkişaf etdirilməsini dəstəkləyəcək bankın nizamnamə kapitalı 100 milyard ABŞ dolları məbləğində müəyyən edilmişdir. Bunun da təxminən 75 faizini Asiya ölkələri təmin edəcəkdir. Ölkələrin payı onların iqtisadiyyatının həcminə uyğun müəyyən edilir. Bankın səhmdarları bunlardır:
- Çin - 26,06%;
- Hindistan - 7,5%;
- Rusiya - 5,92%;
- Azərbaycan - 0,25% (245,1 mln. dollar).
Fəaliyyət planı
Fəaliyyəti Asiya ölkələrinin infrastruktur baxımdan inkişafına yönəlmişdir.
Bank ilk mərhələdə fəaliyyətini Avropaya yeni ticarət marşrutu olacaq Yeni İpək Yolunun yaradılmasına cəmləyəcək. Bankın maliyyələşdirməyi planlaşdırdığı layihələr sırasında Bağdad və Çin arasında birbaşa dəmir yol əlaqəsinin qurulması da yer alır.
İstinadlar
- ↑ 2016-03-11 at the Wayback Machine. interaztv.com, 24.10.2014 (az.)
- ↑ 2015-07-01 at the Wayback Machine. maliyye.gov.az, 29.06.2015 (az.)
- ↑ 2016-03-05 at the Wayback Machine. report.az, 29.06.2015 (az.)
- ↑ 2015-04-01 at the Wayback Machine. xezerxeber.com (az.)
Xarici keçidlər
- — Asiya İnfrastruktur İnvestisiya Bankının rəsmi saytı
- (çin.)
- by The Straits Times