Arzuların ardınca... — tammetrajlı bədii filmi rejissor Ramil Ağasıyev tərəfindən 2015-ci ildə ekranlaşdırılmışdır. Melodram xərçəng xəstəsi olan gəncin həyatının son aylarından bəhs edir. Film rejissorun ilk böyük işidir. Əsas rolları Ziya Ağa və Zarina Qurbanova ifa edirlər.
| Arzuların ardınca... | |
|---|---|
| Arzuların ardınca... | |
.jpg) | |
| Janr |
dram məhəbbət |
| Rejissor | Ramil Ağasıyev |
| Prodüserlər |
Rauf Ağasıyev Asif Rəhimov |
| Ssenari müəllifi | Mehman Rəsulov |
| Baş rollarda |
Ziya Ağa Zarina Qurbanova (aktrisa) |
| Operator | |
| Bəstəkar | Emil Murad |
| Rəssam | Elgün Vəliyev |
| İlk baxış tarixi | 13 may 2015, Nizami Kino Mərkəzi |
| Filmin növü | tammetrajlı bədii film |
| Müddət | 82 dəq. |
| Ölkə |
 Azərbaycan
|
| Dil | azərbaycanca |
| İl | 2015 |
| Rəng | rəngli |
Məzmun
Melodram xərçəng xəstəsi olan gəncin həyatının son aylarından bəhs edir. Hələ uşaq ikən atası tərəfindən atılmış Kamil (Ziya Ağa) tənha yaşayır. Bütün həyatını tənhalıqda keçirən və sevginin nə olduğunu bilməyən Kamil mövcudluğunun mənasını yalnız işləməkdə görür. Öz balaca fotostudiyasında işləyən Kamil insanlara qarşı soyuqdur və onun yeganə təsəllisi ötəri tanışlıqlardır. Vaxtsız xəstəlik Kamilin plansız həyatını alt-üst edir. Bu vəziyyətdə sevgilisi onu atıb gedir. Ölümcül diaqnoz onun bütün taleyi üzərindən xətt çəkir, lakin Kamilin heç ağlına belə gəlməzdi ki, son bir neçə ay onun üçün indiyədək yaşadığı 30 illik ömürdən daha əziz olacaq. Xərçəng xəstəliyinə tutulduğunu öyrənən Kamilin xəstəxanada Arzu (Zarina Qurbanova) ilə görüşü yeni həyatın başlanğıcı olur. Kamil indiyədək məhəbbət kimi qəbul etdiyi hisslərin hamısının yalan olduğunu anlayır. Evli olan Arzu da Kamil kimi ölümcül xəstəliyin caynağında çarpışır. Xəstəxanada Kamillə toqquşan Arzu səhvən Kamilin analizlərini götürüb evinə qayıdır. Xəyalları alt-üst olan Arzu xəstəliyini ərindən gizlətmək qərarına gəlir. İlk görüşdə bir-birini, düşdükləri vəziyyəti anlamağa çalışan gəncləri daha bir xüsusiyyət birləşdirir. Onların həyata keçirmək istədikləri sonsuz arzuları var. Arzu ailəli olduğu üçün görüşdən yayınmaq istəsə də, daxilən arzularını həyata keçirmək istəyir. Kamil Arzunu özünün ömür ağacının sonuncu yarpağı kimi görür. Lakin onları birləşdirən yalnız bir-birlərinə qarşı olan hissləri deyil. Həm Kamilin, həm də Arzunun böyük yaşamaq həvəsi var. Onlar xəstəliklərini unudub xoşbəxt olmağa çalışırlar. Onların ölümcül xəstəlikdən daha güclü ümumi marağı var. Kamil və Arzu ölmədən öncə bir-birinin istəkləri üçün yaşamağa qərar verirlər.
Film haqqında
Film rejissorun ilk böyük işidir.
Filmin üzərində işləyənlər
Ssenari müəllifi: Mehman Rəsulov
Rejissor: Ramil Ağasıyev
Operator:
Prodüser: Rauf Ağasıyev, Asif Rəhimov
Rəssam: Elgün Vəliyev
Bəstəkar: Emil Murad
Rollarda
Ziya Ağa — Kamil
Zarina Qurbanova (aktrisa) — Arzu
Vaqif Əsədov
Asif Rəhimov
Aynur Hüseynova
Rasim Cəfər
İstinadlar
- (az.). . 14 may 2015. İstifadə tarixi: 2018-01-07. [ölü keçid]
- ↑ (az.). . 2015-11-14 tarixində arxivləşdirilib. İstifadə tarixi: 2018-01-07.
- (az.). . 28 aprel 2015. 2021-05-09 tarixində . İstifadə tarixi: 2018-01-07.
- ↑ Cəvahir. (az.). . 14 may 2015. 2021-07-29 tarixində . İstifadə tarixi: 2018-01-07.
Həmçinin bax
Azərbaycan filmlərinin siyahısı
2015-ci ilin Azərbaycan filmləri
2010-cu illər Azərbaycan filmlərinin siyahısı