Arpaçay — Ermənistanın hazırkı Vayotsdzor mərzindən və Naxçıvan Muxtar Respublikasının Şərur rayonunda axır. Araz çayının sol qolu və NMR-nın ən böyük və sulu çayıdır.
| Arpaçay | |
|---|---|
 | |
| Ölkə | |
| Mənsəbi | Araz |
| Uzunluğu |
|
| Su sərfi | 21,2 m³/s |
| Hövzəsinin sahəsi | 5.650 km² |
 Vikianbarda əlaqəli mediafayllar | |
Uzunluğu 126 km, hövzəsinin sahəsi 2630 km²-dir. Başlanğıcını Basarkeçər dağ silsiləsində Cermuk şəhərindən 12 km şimal-şərqdə, 2.985 metr hündürlükdəki yerləşən zirvədən (koordinatları: 39° 57′ 5.27″ şm. e. 45° 39′ 52.36″ ş. u.) götürür. Yeraltı sular, qar və qismən yağış suları ilə qidalanır. Suvarmada geniş istifadə edildiyindən yayda suyu Araza çatmır. Arpaçayından Göycə gölünə su axıtmaq məqsədi ilə 1970-ci ildə 48.6 km uzunluğunda tunel çəkilmişdir. 1977-ci ildə Şərur rayonu ərazisində çayın üzərində su tutumu 150 mln. m³ olan su anbarı (Arpaçay su anbarı) tikilmişdir.
Keşişkənd şəhəri yaxınlığında Arpaçayın orta illik su sərfi 11.5 m³/san-dir. Bunun 50%-i yazda, 25%-i yayda, 14%-i payızda, 11%-i isə qışda keçir. Orta illik asılı gətirmələr sərfi 2.38 kq/san, lillənməsi isə 120 q/m³-dir.
2013-cü ildə Arpaçay üzərində Arpaçay Su Elektrik Stansiyası inşa edilmişdir.
- Arpaçayın qolları:
- Sağ sahildə: , Qabaxlıçay.
İstinadlar
- Azərbaycan Respublikası Ekologiya və Təbii sərvətlər Nazirliyi: 2022-03-03 at the Wayback Machine
- Значение слова 2022-04-01 at the Wayback Machine в Большой Советской Энциклопедии
- . 2021-10-25 tarixində . İstifadə tarixi: 2013-08-28.
- . 2017-09-13 tarixində . İstifadə tarixi: 2012-10-05.