GS/OS Apple şirkəti tərəfindən Apple IIGS kompüterləri üçün hazırlanmış ProDOS fayl sistemini dəstəkləyən əməliyyat sistemidir. Bu əməliyyat sistemi özündə fayl sistemi ilə işləmək, giriş/çıxış avadanlıqlarını izləmək, proqram fayllarını yükləmək və işlətmək, kəsmə siqnallarını idarə etmək və s. funksionallıqları birləşdirir. Bu əməliyyat sistemi Apple IIGS kompüterləri üçün təklif edilən proqram paketinin bir hissəsi olaraq 4.0-dan 6.0.1 versiyasına qədər istifadə edilmişdir.

Apple GS/OS
İstehsalçı	Apple
Vikianbarda əlaqəli mediafayllar

GS/OS əməliyyat sisteminə ilk dəfə olaraq Fayl Sistemi Translatoru təbiq edilmişdir. Bu imkan verir ki, bir əməliyyat sistemi bir neçə fərqlə fayl sistemi ilə işləyə bilsin. Bu həmçinin həmin əməliyyat sisteminin dəstəklədiyi proqram təminatlarına da şamil edilir. O dövrdə mövcud olan əsas iki fayl sistemi vardı: DOS platformasının dəstəklədiyi MS-DOS, ProDOS, High Sierra/ISO-9660; MacOS-in dəstəklədiyi hierarxik fayl sistemi,Apple ProDOS və s. Fayl Sistemi Translatoru bu iki fayl sistemi arasındakı problemi həll etdi və sonrakı fayl sistem translatorlarında da istifadə edildi.

Əməliyyat sisteminin digər üstün cəhəti onun sələflərində fərqli olaraq 8 bitlik 6502 əvəzinə 16 bitlik 65816 prosessorları üçün yazılması oldu. GS/OS və ProDOS arasında ən böyük fərq birincinin Macintosh System 5-in bir çox özəlliklərini saxlaması və təkmilləşdirməsi idi. Xüsusilə də əməliyyat sistemdə faynder (Finder - Mac ƏS-də fayl strukturu) və bir çox yeni avadanlıq drayverlərinin dəstəklənməsini qeyd etmək olar.