Antipirekitlər (anti…+ yun. πυρετός – isti) – qızdırmasalıcı dərman maddələri. Asetilsalisil turşusu (aspirin) və d. salisilatlar, habelə flufenam turşusu, indometasin, voltaren və s. güclü antipiretik effektə malikdir. Bədən temperaturunun düşməsi istilikvermənin artması nəticəsində (dəri damarları genişlənir, tər ifrazatı artır) baş verir. Antipirekitlərin qızdırmasalıcı təsiri, həmçinin bilavasitə hipotalamusda istilik tənzimi mərkəzini blokada edən prostaqlandinlərin və adenozintrifosfatın sintezinin azalması ilə də izah olunur.