Erkən həyatı

Anna Syuel 30 mart 1830-cu ildə İngiltərənin Norfolk bölgəsində dindar Kvaker ailəsində anadan olmuşdur. Atası İsaak Fillip Syuel (1793–1879) və anası Meri Rayt Syuel (1798–1884) uşaq hekayələri yazırdılar. Syuelin Fillip adlı bir qardaşı olub. Syuel və qardaşı maddi çətinlik ucbatından məktəbə gedə bilməmiş və təhsillərinin böyük bir hissəsini evdə anası tərəfindən almışlar.

1822-ci ildə kiçik bir dükanı olan İsaakın işi uğursuz oldu və ailə Dalstona, Londona köçdü. Həyat ailə üçün çətin idi, ona görə İsaak və Meri övladlarını tez-tez Buxtona nənəsigilə, Merinin anasının yanına qalmağa göndərirdilər.

Ailə 1832-ci ildə, Syuel 12 yaşında olarkən Stok-Nyuinqtona köçdü və Anna Syuel ilk dəfə burada məktəbə getdi. Anna 14 yaşında olarkən sürüşür və topuqlarından ağır zədə alır. O, ömrünün sonuna qədər uzun müddət gəzə və qoltuqağacı olmadan dayana bilmir. Syuel daha çox hərəkətlilik üçün at arabalarını tez-tez istifadə edirdi ki, bu da onun atlara böyük sevgisinin yaranmasına səbəb olur.

Yetkin həyatı

1836-cı ildə Syuelin atası oradakı iqlimin onu müalicə etməyə kömək edəcəyinə ümid edərək Braytonda bir işə başladı. Təxminən eyni vaxtda həm Syuel, həm də anası Anqlikan kilsəsinə qoşulmaq üçün Dostlar Cəmiyyətini tərk etdilər və hər ikisi də evangelist dairələrdə fəal oldu. Anası dini inancını evangelist uşaq kitabları yazara ifadə etdi. Anna bu kitabların nəşrə hazırlanmasına kömək etdi.

1866-cı ildə Fillipin həyat yoldaşı vəfat etdi və Fillipin himayəsində qayğısına qalmalı olduğu yeddi azyaşlı uşaq qaldı. Növbəti il Syuel ailəsi ona kömək etmək üçün Norfolk qraflığındakı Noric şəhərinin xaricindəki bir kənd olan Qədim Kattona köçdü.

Anna Syuel Qədim Kattonda yaşayarkən, 1871-1877-ci illər arasında "Qara Gözəllik" romanını yazdı. Bu müddət ərzində onun səhhəti pisləşirdi. O qədər zəif idi ki, tez-tez yatağında olmaq məcburiyyətində idi. Buna görə də Anna üçün yazmaq çox çətin idi. Bu səbəbdən mətni anasına diktə edərək yazdırmağa başladı. 1876-cı ildən etibarən kiçik kağız parçalarına yazdıqdan sonra anası bu mətinlərin üzünü köçürdü.

Anna Syuel əsəri 57 yaşında olarkən, 24 noyabr 1977-ci ildə Norvic naşiri Carroldsa satdı. O, 40 funt sterlinqlik tək bir ödəniş aldı və kitab həmin il nəşr olundu.

Anna Syuel yeganə romanının nəşrindən sonra ağır xəstələndi. O, sonrakı aylarda həddindən artıq ağrı keçirirdi və tamamilə yataq xəstəsi idi. Anna Syuel 25 aprel 1878-ci ildə 58 yaşında hepatit və ya vərəmdən vəfat etdi, yalnız "Qara Gözəllik" romanının nəşrindən beş ay sonra. O, 30 aprel 1878-ci ildə Norvicdən çox uzaq olmayan Norfolkdakı Brayton yaxınlığındakı Lamasdakı Kvaker məzarlığında dəfn edildi.

1. ↑ . www.mylibrary.britishcouncil.org. 23 aprel 2017 tarixində arxivləşdirilib. İstifadə tarixi: 22 aprel 2017.
2. ↑ Cameron. . www.literarynorfolk.co.uk. 2017-09-16 tarixində . İstifadə tarixi: 2017-04-22.
3. ↑ Guest, Kristen. Black Beauty: His Grooms and Companions : the Autobiography of a Horse. Cambridge Scholars Publishing. 2011. ISBN 978-1-4438-3382-0.
4. ↑ (PDF). oldcatton.com. 18 avqust 2016 tarixində (PDF) arxivləşdirilib. İstifadə tarixi: 22 aprel 2017.
5. The maker of the omnibus by Jack Hodges. p. 85. (1992) ISBN 1-85619-211-3.
6. . www.penguin.co.uk (ingilis). 2017-09-04 tarixində . İstifadə tarixi: 2017-04-22.
7. . www.sole.org.uk. 2017-04-22 tarixində arxivləşdirilib. İstifadə tarixi: 2017-04-22.