Anna Nevil (ing. Anne Neville; 11 iyun 1456, , Vorvikşir qraflığı – 16 mart 1485, Vestminster, Böyük London regionu^[d]) — İngiltərə kralı III Riçardın xanımı, İngiltərə kraliçası.

Anna Nevil
İngiltərə kralının xanımı
26 iyun 1483 – 16 mart 1485
Əvvəlki	Elizabet Vudvil
Sonrakı	Yorklu Elizabet
Şəxsi məlumatlar
Doğum tarixi	11 iyun 1456
Doğum yeri	, Vorvikşir qraflığı, İngiltərə
Vəfat tarixi	16 mart 1485 (28 yaşında)
Vəfat yeri	Vestminster, Vestminster borosu, Böyük London, Böyük London regionu[d], İngiltərə
Vəfat səbəbi	vərəm
Dəfn yeri	Vestminster abbatlığı
Atası	Riçard Nevil (Vorvik qrafı)
Həyat yoldaşları	III Riçard (1472–1485)
Ailəsi	York sülaləsi
Vikianbarda əlaqəli mediafayllar

İngiltərə taxt-tacı uğrunda Lankaster və York ailələri arasında çıxan Gül müharibəsində mühüm rol oynamış Nevil ailəsinin üzvü olan Anna Nevilin ilk evliliyi atasının planı əsasında baş tutdu. IV Eduarda qarşı üsyan çıxaran atası Riçard Nevil Lankasterləri dəstəkləməyə başladı və yeni müttəfiqlərinin taxt namizədi olan VI Henrinin yeganə oğlu qızını evləndirdi. Bu nikah səbəbilə Uels şahzadəsi ünvanı alan Anna Nevilin ilk evliliyi çox çəkmədi. 1471-ci ilin mayında döyüş meydanında həlak oldu.

York kralı IV Eduardın səltənətini yenidən bərpa etməsinin ardından Anna Nevil bağışlanaraq Londona geri çağırıldı və kralın kiçik qardaşı olan Qloçester hersoqu Riçardla evləndi. Üstəlik bacısı də kralın digər qardaşı Klarens hersoqu Corcla evli idi. Riçard Plantagenetin 1483-cü ilin iyununda qardaşı oğlunu devirərək hakimiyyəti ələ almasının ardından Anna Nevil də İngiltərə kraliçası oldu. Ancaq 1485-ci ilin martında ərindən 5 ay öncə vəfat etdi. Cütlüyün yeganə övladı olan Midlhamlı Eduard isə cəmi 7 yaşında naməlum səbəblə vəfat etdi.