Andrey Vışinski (28 noyabr (10 dekabr) 1883, Odessa, Rusiya imperiyası – 22 noyabr 1954^[…], Nyu-York, ABŞ) — SSRİ dövlət və partiya xadimi.

Andrey Vışinski
rus. Андрей Януарьевич Вышинский
Şəxsi məlumatlar
Doğum tarixi	28 noyabr (10 dekabr) 1883
Doğum yeri	Odessa, Rusiya imperiyası
Vəfat tarixi	22 noyabr 1954(1954-11-22)[…](70 yaşında)
Vəfat yeri	Nyu-York, ABŞ
Vəfat səbəbi	ürək tutması
Dəfn yeri	Kreml divarı nekropolu
Partiya	Sovet İttifaqı Kommunist Partiyası, Rusiya Sosial Demokrat Fəhlə Partiyası
Təhsili	Taras Şevçenko adına Kiyev Milli Universitetinin hüquq fakültəsi[d]
Fəaliyyəti	hüquqşünas, diplomat, siyasətçi, universitet müəllimi[d], vəkil
Hərbi xidmət
Döyüşlər	Böyük Vətən müharibəsi
Elmi fəaliyyəti
Elmi dərəcəsi	hüquq elmləri doktoru
Elmi adı	SSRİ EA-nın həqiqi üzvləri[d], professor[d]
Vikianbarda əlaqəli mediafayllar

Andrey Vışinski 10 dekabr 1883-cü ildə Odessada anadan olmuşdur.

Onun uşaqlığının və gəncliyinin böyük hissəsi Bakıda keçmişdir. Hələ körpə ikən ailəsi Bakıya köçür. 17 yaşınadək Bakıda yaşamışdır. 1900-cü ildə Bakıda gimnaziyanı bitirmişdir. Bundan sonra universitetdə oxumaq üçün Kiyevə yollanır. Lakin universitetdən qovularaq, 1903-cü ildə Bakıya dönür və yerli menşeviklərə qoşulur. Həmin illərdə Bakıda 2 dəfə həbs olunur, 1 il Bayıl türməsində qalır, bir müddət isə Stalinlə eyni kamerada saxlanılır. Azadlığa çıxdıqdan sonra yenidən Kiyevə qayıdır.

1913-cü ildə növbəti dəfə Bakıya dönür. Burada həm vəkillik edir, həm də xüsusi gimnaziyada rus ədəbiyyatı, latın dili və coğrafiya fənnlərini tədris edir.