1992-ci ilin mart ayında Ukraynanın Zakarpatya vilayətində yerləşən Çop şəhərində dünyaya göz açmışdır. Orta təhsilini başa vurduqdan sonra Ujqorod şəhəri Dövlət Universitetində bakalavr səviyyəsində ali təhsil pilləsini bitirmişdir. 2008-ci ilədək Donetsk şəhərində yaşamış və yerli Metallurqun aşağı yaş qruplarında oynamışdır. Yeniyetmə yaşlarından futbolla məşğul olmağa başlayan Andrey Azərbaycana gəldikdən sonra peşəkar karyerasına qədəm qoymuşdur.

Azərbaycandakı peşəkar karyerasına Bakı FK-da başlamışdır. Burada daha çox əvəzedici heyətdə oynayan və öz potensialını tam üzə çıxara bilməyən gənc oyunçu tezliklə -a icarəyə verilir. "Abşeron"un heyətində 26 qarşılaşmaya çıxan qolkiper klubun birinci divionda qızıl medala yiyələnməsində böyük pay sahibi olur. Beləcə elita klublarının diqqətini cəlb edən qapıçı müxtəlif vaxtlarda Sumqayıt Şəhər FK və Turan FK-nun şərəfini qoruyub. 2013-cü ildə Türkiyənin PTT 1-ci liqasında mübarizə aparan Tavşanlı Linyitspora transfer olub. 2016-cı ildə Qəbələ FK-də ikinci qapıçı kimi çıxış edən Popoviç iyulun 6-sı klubdan ayrıldıqdan sonra işsizdir.

Müxtəlif vaxtlarda Azərbaycanın fərqli kateqoriyalardan olan aşağı yaş qrupu üzrə seçmə komandalarında çıxış edən qolkiper 2011-ci ildə Berti Foqtsun dəvəti ilə Azərbaycanın əsas milli komandasında debüt etmək imkanı qazanıb. Albaniyaya qarşı keçirilən yoxlama oyunu Azərbaycan millisinin 1-0 hesablı qələbəsi ilə yekunlaşdı. O bundan sonra daha bir dəfə millinin formasını geymə fürsəti əldə edib.

1. . Professional Football League of Ukraine.
2. Andrey Popoviç //  (çd.).
3. . UA-Football, 2020.
4. ^{[ölü keçid]}
6. . 2018-12-15 tarixində . İstifadə tarixi: 2017-07-30.
7. . 2022-02-09 tarixində . İstifadə tarixi: 2017-07-30.
8. . 2017-11-13 tarixində . İstifadə tarixi: 2017-07-30.