Anadolu Qəniyev və ya digər adı ilə: Anatollu Qəniyev (10 fevral 1931, Neftçala rayonu – 1 oktyabr 1985, Bakı) — Azərbaycan muğənnisi (bariton). 60-cı illərin əvvələrindən etibarən Azərbaycan Dövlət Filarmoniyasının solisti olmuşdur.
| Anatollu Qəniyev | |
|---|---|
 | |
| Ümumi məlumatlar | |
| Doğum tarixi | 10 fevral 1931 |
| Doğum yeri | |
| Vəfat tarixi | 1 oktyabr 1985 (54 yaşında) |
| Vəfat yeri | |
| Vəfat səbəbi | ürək çatışmazlığı |
| Vətəndaşlığı | |
| Musiqiçi məlumatları | |
| Fəaliyyəti | müğənni |
 Vikianbarda əlaqəli mediafayllar | |
Həyatı
Anatollu Qəniyev 1931-ci ildə Neftçala şəhərində doğulmuşdur. Uşaqlıqdan musiqiyə həvəsi olmuşdur. Hərbi xidmətdən sonra Asəf Zeynallı adına musiqi məktəbində təhsil alıb. Müəllimi F.Mehdiyev olmuşdur. Bitirdikdən sonra Azərbaycan Dövlət Radio Televiziyasının solisti olmuşdur (1959). Sonradan T.Əhmədovun rəhbərlik etdiyi estrada orkestrinin solisti olmuşdur. "Çıx yaşıl düzə", "Reyhan", "Teymurun mahnısı", "Dəyişmərəm", "Bakının ulduzları", "Şəlalə", "Ay qız", "Qonşular" (E. Rəhimova ilə duet), "Yaşa könül", "İlk görüşdən gəlirəm", "Səni haylaram", "Bu dərə uzun dərə" və s. kimi ifa etdiyi mahnılarla şöhrət qazanmışdır.
Yaradıcılığı
Azərbaycan Mədəniyyətinin 10 günlüyündə Moskvada çıxış etmişdir (1959).
Anatollu Qəniyev Kuba, Almaniya, Polşa, Çexoslovakiya, Ərəb ölkələrində və s. qastrol səfərlərində olmuşdur. Badamlı, Nuş olsun, Naz-naz və s. dillər əzbəri olmuş mahnıları ifa etmişdir. Koroğlu, Ulduzlar sönmür, Möcüzələr adası, Mehman, Alma-almaya bənzər kimi kinofilmlərdə mahnıları səslənmişdir.
Filmoqrafiya
- Möcüzələr adası (film, 1963) - mahnı ifa edən
- Ulduzlar sönmür (film, 1971) - mahnı ifa edən
- Azərbaycan elləri (film, 1976) - mahnı ifa edən
- Alma almaya bənzər (film, 1975) - mahnı ifa edən
Xatirəsi
İctimai televiziyada istehsal edilmiş Anatollu Qəniyev adlı qısametrajlı sənədli televiziya filmi həsr olunmuşdur.
İstinadlar
- . 2010-07-31 tarixində arxivləşdirilib. İstifadə tarixi: 2010-10-06.