Amerikan qotikası (ing. American Gothic) — Çikaqo İncəsənət İnstitutunun kolleksiyasına daxil edilmiş,Qrant Vudun 1930-cu ildə rəsm etdiyi əsər. Rəsmdə Vudun bacısı olaraq düşünülən gənc qızla yanında dayanan orta yaşlı fermer təsvir edilmişdir. Əsər regionalizm cərəyanının nümunəsidir.

Amerikan qotikası
Rəssam Qrant Vud
Tarixi 1930
Ölçüləri 78 sm × 65,3 sm
Materialı yağlı boya[d]
Saxlanıldığı yer Çikaqo İncəsənət İnstitutu
İnventar nömrəsi 1930.934
Vikianbarın loqosu Vikianbarda əlaqəli mediafayllar

Tarixi

Regionalizm axımına xas rəsm nümunəsi yaratmaq qərarına gələn Qrant Vud 1930-cu ildə ayovalı gənc rəssam Con Şarpla birgə Ayova və ətrafının maşınla gəzir. Bu zaman onlar, dülgər qotikası adlanan memarlıq tərzində inşa edilmiş Dibl evinə rast gəlirlər. Vud bu evdən "dözümsüz incə odunda inşa edilmiş və rahatlıqla boyanan bir ev" olaraq bəhs etmişdir. Evin sahiblərindən icazə aldıqdan sonra rəssam ertəsi gün evin eskizini yağlı boya ilə müqəvva üzərinə rəsm edir. Bu eskizdə pəncərə olduğundan daha iti və dik quruluşda təsvir edilmişdi. Əsərdə qadın obrazı kimi Vudun bacısı Nan Vud, yaşlı adam isə diş həkimi Bayron Mekkibi təsvir edilmişdir.

Rəsm ABŞ-dən kənarda ilk dəfə 2016–2017-ci illərdə Parisdəki Musée de l'Orangerie və London Kral İncəsənət Akademiyasında nümayiş etdirilmişdir.

Təsviri

"Qotika dövrü" orta əsrlərə xas üslub olan və xüsusilədə memarlıqda qarşımıza çıxan, səmaya doğru sivrilən binaların inşa edildiyi dövrdür. Rəsmdə təsvir edilən və "Gothic Revival" adlanan pəncərə sistemi də məhz bu dövr üçün xarakterikdir. Bu səbəbdən rəsm əsəri "Amerikan qotikası" adlandırılmışdır.

Rəsmdə ilk baxışda ayovalı cütlük olduğu düşünülən obrazlar əslində ata və qızıdır. Kişinin əynindəki paltarlar 1930-cu illərə xas fermer geyimidir. Onun əlindəki yaba fiquru həm üzərindəki geyimdə həm də arxa planda təsvir edilən pəncərədə nəzərimizə çarpır. Yaba rəsm edilən adamın fermer olduğunu vurğulamaq üçün istifadə edilmişdir.

Fermerin qızı isə daha mühafizəkar simada rəsm edilmişdir. Rəsmdəki hər iki şəxsin paltarlarındakı detallar Vudun Qərbi Avropa səfərləri zamanı holland incəsənətindən təsirləndiyini göstərir.

İstinadlar

  1. .
  2. Art Institute of Chicago. 1879.
  3. .
  4. . The Art Institute of Chicago. 28 May 2010 tarixində . İstifadə tarixi: June 20, 2010.
  5. Cumming, Laura. . The Guardian. 5 fevral 2017. 2019-02-04 tarixində . İstifadə tarixi: 2 mart 2017 – The Guardian vasitəsilə.
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2023