Alloise (ukr. А́лла Євге́нівна Моско́вка; 19 oktyabr 1984, Poltava) — ALLOISE təxəllüsü ilə daha çox tanınan, pop, soul, R&B və folk üslubunda mahnılar ifa edən ukraynalı müğənnidir.
| Alloise | |
|---|---|
 | |
| Doğum tarixi | 19 oktyabr 1984 (39 yaş) |
| Doğum yeri | |
| Fəaliyyəti | müğənni, radioaparıcı[d], aktrisa |
| Fəaliyyət illəri | 2004-cü ildən |
Bioqrafiya
Alla 19 oktyabr 1984-cü ildə Poltavada anadan olub. Poltava incəsənət məktəbinə, sonra musiqi məktəbinin studiyasına daxil olub. Eyni vaxtda 1 saylı liseydə informatika və ingilis dilinin intensiv tədris olunduğu sinifdə oxuyub. 2002-ci ildə Kiyev Milli Mədəniyyət və İncəsənət Universitetinə daxil olur. 2004-cü ildə o, «Tomato Jaws» elektron qrupunun bir üzvü olur, sonra DJ-lik edir və bir müddət Kiyev klublarının vokal və dj-rezidenti olur.
2007-ci ildən 2012-ci ilə qədər o, nüfuzlu prodüserlərin qrupun tam uğursuzluğunu proqnozlaşdırmasına baxmayaraq, ölkədən kənarda və hətta birbaşa ölkədə tanınan ilk ukraynalı ingilisdilli qrup olan Gorchitza qrupunun vokalisti və mahnı müəllifi idi. Ukrayna ictimaiyyəti üçün materialın formatsızlığına və yeniliyinə boxmayaraq uğur qazanılır.
2012-ci ilin aprelində ALLOISE Firework Sound ilə solo karyerasına başlayır.
2012-ci ilin noyabrında ALLOISE MTV EMA-ya görə ən yaxşı Ukrayna artisti olur.
Müğənni karyerası illəri ərzində Morçiba, Koşin, Kreyq Devid, Nelli Furtado, Cessi Uor, Sofi Ellis-Bextor, Lorin və Faithless kimi dünya artistləri ilə eyni səhnədə çıxış edib.
Müğənni həmçinin Vitni Hyuston, Rey Çarlz, və başqaları ilə işi ilə tanınan dünya şöhrətli prodüser Narada Maykl Uoldenlə də əməkdaşlıq edib.
Musiqi karyerası ilə yanaşı, ALLOISE KROT Teatrında Les Podervyanski və Endi Uorholun pyesləri əsasında Vasilisa Yeqorovnanın yuxuları kimi tamaşalarda oynayır. 2013-cü ilin iyununda ALLOISE öz debüt albomu olan Bygone-u buraxır. Diskə müğənninin 12 müəllif treki daxildir.
ALLOISE 2014-cü ildə Beynəlxalq Gənclər Günü üçün MTV festivalına başçılıq edir.
2014-cü ilin iyununda ALLOISE-nin Tell Me Of Fire mahnısına çəkdiyi video ABŞ MTV-də yayımlanır. Bu ABŞ-nin əsas musiqi kanalının efirində yayımlanmaq üçün seçilmiş ukraynalı estrada müğənnilərinin ilk mahnısıdır.
Eləcə də həmin ay İtaliyanın rəsmi qrafiki www.earone.it "Tell Me Of Fire" mahnısını "həftənin ən yaxşı mahnısı" kimi tanıdır. Bundan əlavə, bu mahnıya çəkilmiş klip İsveçrə, Macarıstan, Sloveniya və digər ölkələrin musiqi telekanallarında yayımlanır.
Mükafatlar
2012 - MTV EMA-ya görə ən yaxşı Ukrayna artisti
2012-2013 - nominasiya "VIVA! Ən gözəl "
2021 - "Bare Nerve" albomu Aprize Mükafatlarının Beynəlxalq Münsiflər Heyətinə görə TOP-5-də
Xitləri
- «She knows» — 2012
- «Love me or leave me» — 2012
- «Who’s the fool» (with Fahot) — 2013
- «Dancing in the crowd» (with Dj Lutique) — 2013
- «Falling» (with Dj Lutique) — 2013
- «Simple thing» — 2013
- «Merry-Go-Round» — 2015
- «Knives» — 2019
- «Twin Flame» — 2019
- «Bare Nerve» EP - 2020
Mənbə
İstinadlar
- . 2014-08-12 tarixində . İstifadə tarixi: 2014-07-29.
- . 2014-02-11 tarixində . İstifadə tarixi: 2014-07-22.
- . 2014-07-27 tarixində . İstifadə tarixi: 2023-03-28.
- . 2014-08-08 tarixində . İstifadə tarixi: 2014-07-29.
- . 2014-07-29 tarixində . İstifadə tarixi: 2014-07-29.