Allitizasiya

Allitizasiya — dağ süxurlarının dərin aşınma prosesi (əsasların və silisium turşusunun aparılması ilə), bunun nəticəsində, demək olar ki, bütün ilkin minerallar (kvars və digər daha davamlı minerallar istisna olmaqla) parçalanır və adətən, ağır mexaniki tərkibli (alüminium oksidləri və kaolinit qrupu gilli minerallardan ibarət) aşınma qabığı formalaşır. Allitizasiya tropik qurşağın rütubətli rayonlarında üstünlük təşkil edir.